Sport ścisła

Prahałasuj za našych

Biełaruskija spartsmeny Ivan Cichan i Vadzim Dzieviatoŭski (kidańnie mołata), Nadzieja Astapčuk (šturchańnie jadra) i Ryta Turava (spartovaja chadźba) pretendujuć na zvańnie najlepšych lohkaatletaŭ Eŭropy—2005. Ich imiony značacca ŭ śpisie z 44 pretendentaŭ (22 mužčyny i 22 žančyny).

U hałasavańni, što idzie na sajcie Eŭrapiejskaj lohkaatletyčnaj asacyjacyi da 31 śniežnia, biaruć udzieł jak naviedvalniki resursu, tak asobna žurnalisty dy spartovyja specyjalisty.

Letaś pieramahli alimpijski čempijon ŭ trajnym skačku šved Krystyjan Ołsan i alimpijskaja čempijonka ŭ biehu na 800 i 1500 metraŭ Keli Hołmz (Vialikabrytanija).

Prahałasavać za našych možna pa adrasie www.european-athletics.org/index.php?inhalt=poll/eaapoll2. Adzinaje — daviadziecca zarehistravacca padčas hałasavańnia.

Baskietboł: kamandaŭ usio mienšaje

Na minułym tydni startavaŭ čempijanat Biełarusi pa baskietbole siarod mužčyn. Na start vyjšła šeść klubaŭ — na dva mienš, čym letaś. Čempijon Biełarusi mienski «Vitalur» i siarebrany pryzer «Horadnia-93» atrymali pa dźvie ŭpeŭnienyja pieramohi. Toj, kaho nie cikaviać realii ajčynnaha baskietbołu, chaj źviernie ŭvahu na čempijanat Nacyjanalnaj baskietbolnaj lihi, što startavaŭ 1 listapada. Choć biełaruskich hulcoŭ, u adroźnieńnie ad Nacyjanalnaj chakiejnaj lihi, tam nie nazirajecca, pahladzieć jość na što. Pahatoŭ što telekanał «Ład» budzie pakazvać najlepšyja pajadynki rehularnaha čempijanatu.

Biełaruskija dziudaisty — čempijony Švecyi

Biełaruskija dziudaisty praciahvajuć trymać svaju vysokuju marku. Tak, na Adkrytym pieršynstvie Švecyi našy spartoŭcy zavajavali čatyry medali. Pośpiechu dabilisia Kaciaryna Razumava, jakaja zavajavała «zołata» ŭ vahavoj katehoryi 48 kh, a taksama alimpijski čempijon Ihar Makaraŭ (zvyš 100 kh), Śviatłana Cimašenka (78 kh) i Mikałaj Barkoŭski (81 kh), na rachunku jakich bronza.

Biełaruś—Łatvija ŭ Viciebsku

Nacyjanalnaja futbolnaja zbornaja Biełarusi zavieršyć sezon 12 listapada. U hety dzień, kali ŭ futbolnaj Eŭropie projduć stykavyja pajadynki za prava trapić na čempijanat śvietu—2006, biełarusy praviaduć tavaryski matč sa zbornaj Łatvii. Hulnia projdzie ŭ Viciebsku. 13 listapada ŭ Bieraści moładzievaja zbornaja zhulaje tavaryskuju hulniu suprać pahodkaŭ z Polščy. 16 listapada matč u adkaz za Buham.

AR, belta.by

• 0
• 0
• 0
• 0
• 0
• 0
• 0
• 0