Pierad Dziadami abaviazkova išli na mohiłki, prybirali mahiły, a ŭ chacie pierad samym śviatam myli vokny. Vymytaja j prybranaja chata čakaje svaich byłych žycharoŭ. Na stale musić być bahata stravaŭ, što symbalizujuć spradviečnyja biełaruskija ŭjaŭleńni pra sytaść: kiłbasy, kumpiaki, syry, sała. Hałoŭnaj paminalnaj stravaj ličyłasia kućcia. Jaje zapraŭlali sałam abo masłam, varyli chaładziec, piakli bliny. Paminalnaj stravaj byli i klocki, zapraŭlenyja skvarkami z cybulaj ci śmiatanaj.
Pa kavałačku kožnaj stravy pakidali na asobnaj talercy prodkam. Heta było jak pryčaščeńnie z usimi prodkami. Nalivali dziadam i čarku. Hałava siamji klikaŭ: «Śviatyja dziady, idzicie siudy!»
Zrešty, možna abyścisia i biez tradycyjnaha stała. Dziady — hłyboka asabistaje śviata. U hety dzień u chramach prachodziać nabaženstvy. Tamu prosta naviedajcie 2 listapada chram, pryniasicie adtul aśviačonuju śviečku, zapalicie jaje doma dy pamaliciesia. Zhadajcie dobrym słovam svaich dziadoŭ dy parazvažajcie pra minuŭščynu i buduyniu.
Dziady ŭ Kurapatach
Hetym razam Dziady prypadajuć na rabočy dzień (sieradu), tamu žałobnyja śvieckija mierapryjemstvy projduć u vychodnyja.
29 kastryčnika, a 10-j ranicy Partyja BNF ładzić u Kurapatach tałaku. A 12-j va ŭročyščy budzie ŭstalavana šylda na pamiatnym kamieni. A 12-j ža kvietki ŭ Kurapatach uskładzie lider Abjadnanych demakratyčnych sił Aleś Milinkievič.
U niadzielu 30 kastryčnika svaje mierapryjemstvy ŭ Kurapatach ładzić Kanservatyŭna-chryścijanskaja partyja BNF. U 10.30—11.00 udzielniki šeścia źbiarucca na bulvary Tałbuchina (st.m.«Park Čaluskincaŭ»), projduć pa maršrucie praspekt Skaryny—Kalinoŭskaha—Siadych—Karbyšava—Mirašničenki.- Mitynh projdzie la Narodnaha memaryjału pamiaci achviaraŭ balšavickaha teroru (14.30—17.00). Šeście i mitynh dazvoleny ŭładami.
Dziady na radzimie Kalinoŭskaha
U rajcentry Śvisłač (Haradzienskaja vobłaść) 30 kastryčnika projdzie tradycyjnaje ŭšanavańnie pamiaci bratoŭ Kalinoŭskich. Pačatak a 11.30. Zbor la kaściołu Śv.Francyska Asyskaha, dzie projdzie nabaženstva. Buduć taksama ŭskładzieny kvietki da mahiły Viktara Kalinoŭskaha, pomnikaŭ Kastusiu Kalinoŭskamu i Ramualdu Traŭhutu, miarkujecca vyjezd u były majontak siamji Kalinoŭskich u Jakušoŭku. Da Śvisłačy možna dajechać z Horadni rejsavym aŭtobusam.
Ciapier čytajuć
Ci varta kuplać zakinutuju chatu za adnu bazavuju i kolki heta kaštuje nasamreč? Voś što raskazvajuć ludzi1
Ci varta kuplać zakinutuju chatu za adnu bazavuju i kolki heta kaštuje nasamreč? Voś što raskazvajuć ludzi
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniuju ŭciečku vyjavili ŭ 2026-m, a zasnavalniki — rasijanie7676
Kamientary