Эпічная сага пра неарганізаваную злачыннасьць
Парадыйная “Мафія” Джыма Абрагамза
Мафія (Мафія Джэйн Остын!”) (Jane Austen's Mafia!)
ЗША, 1998, каляровы, 83 хв.
Рэжысэр: Джым Абрагамз
Ролі выконваюць: Джэй Мор, Білі Бурк, Крыстына Эплгейт, Памэла Гідлі, Алімпія Дукакіс, Лойд Брыджэс
Жанр: Пародыя на гангстэрскае кіно
Дон Вінчэнца Карціна – кіраўнік надзіва неарганізаванай злачыннасьці. У яго стралялі ўжо 47 разоў – і гэта прымусіла задумацца яго пра сэнс жыцьця. Патрыярх крымінальнага сьвету мусіць абраць пераемніка, які канчаткова дэзарганізуе злачыннасьць у краіне. У Дона два сыны: адзін – мужны герой вайны, другі – наркуша і псыхапат. Каго абярэ мудры Дон?
Пародыя на гангстэрскае кіно, а найперш – на “Хроснага бацьку”. Джым Абрагамз вядомы супрацай з братамі Цукерамі, разам зь якімі былі створаныя такія камэдыйныя стужкі, як “Аэраплян”, “Зусім сакрэтна!” і “Аголены пісталет”. Ягоны сольны фільм “Мафія” ня лічыцца такім пасьпяховым, але застаецца кінапародыяй – жанрам, які паддаецца нямногім.
Цікава, што абсьмяяльнік гангстэрскіх штампаў Джым Абрагамз распачынаў сваю кар’еру… прыватным дэтэктывам.
Цяпер чытаюць
«Я першамайскае быдла і ліміта, базару нуль. Але блізкі да цэнтра прыняцця рашэнняў». Што Тур піша пад псеўданімам у «экстрэмісцкім» чаце19
Каментары