Раман Бяссмертны лічыць, што паводзіў сябе на пасадзе пасла ў Беларусі «занадта далікатна»
«Калі хто думае, што я, пакінуўшы пасаду пасла, развітаўся з Рэспублікай Беларусь, ён глыбока памыляецца».
Звольнены з пасады пасла Украіны ў Беларусі Раман Бяссмертны лічыць, што казаў пра сітуацыю ў краіне яшчэ «занадта далікатна». Ён пацвердзіў са спасылкай на свае крыніцы, што асноўны кандыдат на месца пасла ў Мінску — звольнены нядаўнавіцэ-прэм ’ер Віктар Ціханаў.
«Шчыра кажучы, я адчуваю толькі, што занадта далікатна казаў пра тое, што адбываецца ў Рэспубліцы Беларусь… Думаю, у Кіеве усе ад пачатку разумелі, што Бяссмертны не прыйдзе на інаўгурацыю дыктатара, вось я і не прыйшоў», — заявіў ён у інтэрв’ю газеце
Прычыны сваёй адстаўкі Бяссмертны не каментуе, заявіўшы, што «гэта права прэзідэнта — прызначаць пасла і званяць яго». Былы пасол толькі заявіў, што «быў чужым у камандзе новай улады».
«Яны ніколі не даруюць мне таго, што адбывалася ў 2004 годзе»,— сказаў актыўны ўдзельнік Аранжавай рэвалюцыі Бяссмертны.
«Шчыра кажучы, я рыхтаваўся да звальнення з першага дня прыезду ў Мінск… Я разумеў, што рана ці позна гэта адбудзецца, але хачу дадаць:
калі хто думае, што я, пакінуўшы пасаду пасла, развітаўся з Рэспублікай Беларусь, ён глыбока памыляецца»,— заявіў Бяссмертны.
Бяссмертны сумняецца, што далей будзе працаваць на дыпслужбы, і заявіў, што не будзе балатавацца ў парламент, хоць застанецца сябрам партыі «Наша Украіна». «Я застаюся сябрам партыі «Наша Украіна». Адзінае, чаго я сёння не хачу, — гэта балатавацца ў Раду», — падкрэсліў ён.
Палітык лічыць,
што Украіне «не варта паводзіць сябе як страўс у пытанні захавання правоў чалавека».«Для сусветнай грамадскасці відавочна: калі вы не хочаце адстойваць еўрапейскія каштоўнасці ў Беларусі, гэта азначае, што вы самі гатовыя іх парушаць, і ніякія эканамічныя выгады недапушчальна абменьваць на гэтыя каштоўнасці», — заявіў Бяссмертны.
***
Віктар Януковіч звольніў Рамана Бяссмертнага з пасады пасла Украіны ў Беларусі 3 чэрвеня. Бяссмертнага прызначылі паслом 24 лютага 2010 года.
Як вядома, Бяссмертны салідарызаваўся з еўрапейскім дыпламатычным корпусам адносна падзей, якія адбыліся ў Мінску ў час і пасля прэзідэнцкіх выбараў.
Каментары