Улада11

Лукашэнка: «Славянскі базар» — гэта вялікая палітыка

Сёння «Славянскі базар у Віцебску» стаў часткай не толькі культуры, але і вялікай палітыкі, заявіў Аляксандр Лукашэнка на адкрыцці фестывалю 9 ліпеня.

«Акунуўшыся ў атмасферу «Славянскага базару», «выразна разумееш: славянскае адзінства ёсць, людзі ўсім сэрцам хочуць жыць у адной сям’і», — сказаў Лукашэнка. «Вялікая вера народаў у славянскае братэрства, любоў да роднай зямлі служаць крыніцай жыватворнай сілы нашага фестывалю, — зазначыў ён. — Усведамленне глыбіні нашых каранёў, непахіснасці ідэалаў яднання дае сілы працягваць рух наперад, дабівацца таго, каб імкненні нашых народаў перамаглі, нягледзячы ні на якія перашкоды».

«Парадаксальна, але факт: мы часам не цэнім найвялікшае багацце, якое маецца ў нас у руках, — агульнасць, якая гістарычна склалася і стала натуральнай. І гэта ў той час, калі Еўропа, іншыя рэгіёны імкнуцца аб’яднацца, прычым любой цаной, ідучы на ахвяры, ва ўрон асобным інтарэсам і нават дзяржавам, таму што дружба больш каштоўная за любы разлік», — заявіў Лукашэнка.

Паводле яго слоў, памыляюцца тыя, хто спісвае славянскае брацтва ў састарэлыя і нямодныя ідэалы. Фестываль у Віцебску «стаў своеасаблівым люстэркам найноўшай гісторыі славянскіх народаў, і ўжо не толькі славянскіх», ён «нарадзіўся два дзесяцігоддзі таму на глебе пачуцця глыбокай горычы ад навязанай нам разлучанасці». «Мы проста тады ратавалі самае дарагое, што было ўсмактана намі з малаком маці, — славянскае братэрства», — сказаў беларускі кіраўнік.

«У адрозненне ад многіх іншых фестываляў міжнароднага ўзроўню «Славянскі базар» — гэта форум, дзе нікому не навязваюць якія-небудзь стандарты і ўмовы», — заявіў Лукашэнка.

Ён таксама зазначыў, што беларусы «спакон вякоў шануюць свае традыцыі, але разам з тым ні ў якай нават у самай малой ступені не заражоныя нацыяналізмам і адкрытыя ўсяму свету».

Лукашэнка ўручыў прэміі саюзнай дзяржавы ў сферы літаратуры і мастацтва за 2009 -2010 гады. Спецыяльная ўзнагарода «Праз мастацтва да міру і ўзаемаразумення» прысуджана народнаму артысту СССР Уладзіміру Мулявіну (пасмяротна) і беларускаму дзяржаўнаму ансамблю «Песняры». Ордэн Францыска Скарыны ўручаны народнаму артысту Расіі Юрыю Антонаву.

Адразу пасля выступлення беларускі кіраўнік адправіўся ў Крым, дзе будзе браць удзел у нефармальным саміце СНД і святкаванні, паводле яго выразу, «вялікага юбілею» прэзідэнта Украіны Віктара Януковіча, які адзначает 60-годдзе.

Каментары1

Цяпер чытаюць

СК апублікаваў відэазапіс падзення беспілотніка. На абломках паказалі ўкраінскія надпісы22

СК апублікаваў відэазапіс падзення беспілотніка. На абломках паказалі ўкраінскія надпісы

Усе навіны →
Усе навіны

«У нас у Літве проста так не б'юць». Збіты журналіст «Маланкі» расказаў, як ідзе расследаванне інцыдэнту13

«Дэзарыентаваны СПА Украіны». У Літве назвалі найбольш верагодную версію, чаму на яе тэрыторыю зноў заляцеў чужы дрон3

Трамп: Калі Іран зноў пачне ядзерную праграму, мы яго хутка знішчым1

Следам за сэрвісамі «Аэрафлоту» ў Расіі ляглі і «Дзяржпаслугі»3

Светлагорскага актывіста Анатоля Змітровіча асудзілі за паклёп на Лукашэнку

Лукашэнка зноў сустрэнецца з Пуціным1

Што стала прычынай смерці трох работнікаў «Беларуснафты» падчас рамонту на трасе1

Кітай упершыню ўводзіць грашовыя выплаты на дзяцей — 500 даляраў у год за кожнае дзіця да трох гадоў2

У ДТЗ пад Варшавай загінуў беларус1

больш чытаных навін
больш лайканых навін

СК апублікаваў відэазапіс падзення беспілотніка. На абломках паказалі ўкраінскія надпісы22

СК апублікаваў відэазапіс падзення беспілотніка. На абломках паказалі ўкраінскія надпісы

Галоўнае
Усе навіны →

Заўвага:

 

 

 

 

Закрыць Паведаміць