Яны павінны выйсці ў першай палове верасня.
Навінкі будуць найперш прадавацца ў варшаўскай афлайн кнігарні Kamunikat.shop у Цэнтры беларускай салідарнасці на вуліцы Алеандраў 6/2 (ul. Oleandrów 6/2), піша bellit.info.
Адна з навінак — кніга вершаў Змітра Дзядзенкі «#Каб не ср@лі галубы», якая складаецца з дзвюх частак. Першая, аднайменная, ёсць своеасаблівым сацыяльна-палітычным летапісам. Гэта вершаваныя водгукі на самыя разнастайныя падзеі ў краіне і па-за межамі яе: «Чарговая дэвальвацыя, падзенне корпуса рэактара, арышт дырэктара «Уралкалію» — навіны даюць безліч матываў для натхнення», — тлумачыць аўтар для «Еўрарадыё».
У другую частку, «Слаўны рыцар», увайшлі іранічныя і сатырычныя вершы, не прывязаныя да канкрэтных падзей.
Запланавана таксама перавыданне кнігі Анэты Прымака-Онішк «Бежанства 1915. Забытыя ўцекачы».
Трэцяя навінка ад выдавецтва — другое дапоўненае выданне манаграфіі Віктара Шадурскага «Нараджэнне беларускага левіяфана» пра сацыяльныя і палітычныя змены ў Беларусі ў перыяд з 1991 да 1996 года.
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?19
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары