Уладальнікі сямейнага бізнэсу «Віталюр» на чале з яго заснавальнікам Аляксандрам Яцуком канчаткова адмовіліся ад рыбаперапрацоўчага кірунку і працягваюць пераарыентацыю бізнесу на нерухомасць, піша выданне «Белорусы и бизнес».
Для фінансавання новага праекта кампанія плануе размясціць дэпазітарныя аблігацыі на суму 18 мільёнаў рублёў з пагашэннем у 2034 годзе. Прыцягнутыя сродкі мяркуецца накіраваць на будаўніцтва склада з халадзільнымі і маразільнымі памяшканнямі. Новы аб'ект з'явіцца на пляцоўцы пад Мінскам, дзе раней знаходзілася рыбная вытворчасць, а пазней разглядаўся праект стварэння дрэваапрацоўчага цэха.
Перабудова бізнэсу «Віталюра» пачалася яшчэ ў 2023 годзе. Тады з-за фінансавых цяжкасцяў кампанія была вымушаная адмовіцца ад рознічнага гандлю. Усе 62 магазіны былі перададзеныя ў кіраванне кампаніі «Санта Рытэйл» на 15 гадоў.
У пачатку 2025 года сям'я Яцукоў таксама закрыла стратную вытворчасць па перапрацоўцы рыбы. Пасля гэтага кампанія поўнасцю засяродзілася на развіцці праектаў у сферы нерухомасці.
Цяпер аснову гэтага бізнэсу складаюць памяшканні былых крам «Віталюра», якія выкарыстоўвае «Санта Рытэйл», а таксама новы лагістычны комплекс з халадзільнымі складамі, які плануецца пабудаваць за кошт сродкаў ад выпуску аблігацый.
У кампаніі лічаць, што праект будзе запатрабаваны. У тлумачэнні да выпуску аблігацый адзначаецца, што сучасныя склады з халадзільнымі і маразільнымі магутнасцямі карыстаюцца высокім попытам, таму іх прастой малаверагодны. Таксама падкрэсліваецца, што на рынку захоўваюцца адносна высокія арэндныя стаўкі на такія аб'екты.
Цяпер чытаюць
«Мне хацелі кампенсаваць каля 10% ад кошту пагарэлага». Як беларускія прадаўцы на Вайлдберыз вырашаюць вогненныя праблемы7
«Мне хацелі кампенсаваць каля 10% ад кошту пагарэлага». Як беларускія прадаўцы на Вайлдберыз вырашаюць вогненныя праблемы
«Надзея Сцяпанаўна». Мікіта Найдзёнаў апублікаваў паэму, якая нарадзілася ў Жодзінскай турме. Такога паэтычнага эпасу ў беларускай паэзіі ХХІ стагоддзя яшчэ не было66
Каментары