Амерыканскі брамнік Цім Сырэль падпісаў кантракт з «Паперапрамам» з Гомеля, што выступае ў першай лізе футбольнага чэмпіянату краіны (то-бок другі дывізіён).
Кантракт з галкіперам разлічаны да канца 2027 года, піша «Беларускі футбол».
Раней 22‑гадовы футбаліст выступаў за клуб «Окленд Рутс» з другога дывізіёна ЗША, дзе правёў восем матчаў, прапусціў 16 мячоў і двойчы згуляў «на нуль».
«Паперапрам» пасля 12 тураў займае сёмае месца ў турнірнай табліцы, маючы ў актыве 24 балы.
Сырэль мае беларускі пашпарт. Ён расказваў, што яго бацькі з Беларусі. Старэйшая сястра нарадзілася ў Беларусі ў 2001 годзе, а праз год сям'я пераехала ў ЗША, дзе ён і нарадзіўся.
«У Беларусі і цяпер жывуць дзядуля, бабуля, родныя і блізкія. Вядома, акрамя бацькоў і сястры. Калі быў маленькім, мы прыляталі сюды амаль кожнае лета. А потым стала значна складаней: здарылася ўспышка кавіду, межы закрыліся, лагістыка парушылася — у мінулы раз у Беларусі я быў восем гадоў таму», — расказваў ён.
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі15
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1515
Каментары