У ЕС зацвердзілі новыя правы авіяпасажыраў. Шмат чаго вы даўно чакалі
Пасля 13 гадоў перамоваў Еўрапарламент нарэшце зацвердзіў абноўленыя правы авіяпасажыраў. Гэтыя правілы пачнуць дзейнічаць з другой паловы 2027 года, піша LRT.
Еўрапейскі парламент зацвердзіў новы рэгламент правоў авіяпасажыраў, які заменіць правілы 2004 года. Далей новаўвядзенні афіцыйна зацвердзіць Рада ЕС.
Галоўныя змены для пасажыраў
Ручны багаж. Уводзіцца права бясплатна браць на борт адну адзінку ручной паклажы (уключаючы чамадан на колах). Пры гэтым адзіны стандарт іх памераў узгадніць не ўдалося.
Авіякампаніі абавязаны паказваць кошт квітка з улікам ручной кладзі адразу пры браніраванні. З-за гэтага магчымае падаражанне білетаў, але застануцца таннейшыя тарыфы для тых, хто ляціць увогуле без багажу.
Пасажыры захоўваюць права ў выпадку затрымкі рэйса больш як на тры гадзіны або яго адмены ў апошні момант атрымаць вяртанне грошай або працягнуць паездку па альтэрнатыўным маршруце, а таксама атрымаць кампенсацыю.
Кампенсацыі за затрымкі і адмены (ад 3 гадзін):
€250 — на рэйсы да 1500 км;
€400 — ад 1500 да 3500 км;
€600 — звыш 3500 км (можа быць зменшана на 50%, калі прапанаваны альтэрнатыўны рэйс ці затрымка менш за 4 гадзіны).
Тэрміны разгляду: кампаніі павінны за 4 дні паведаміць, як падаць на кампенсацыю. У пасажыра ёсць 9 месяцаў на падачу заявы, у авіякампаніі — 30 дзён на выплату або адмову.
Кампенсацыі не выплочваюцца пры стыхійных бедствах, дрэнным надвор’і, войнах, страйках супрацоўнікаў аэрапортаў і агрэсіі пасажыраў. Тэхнічныя няспраўнасці самалёта больш не з’яўляюцца адгаворкай для авіякампаній.
Пры затрымцы ад 2 гадзін павінны выдаць напоі, ад 3 гадзін — харчаванне, пры працяглай затрымцы — забяспечыць гасцініцу (да 3 начэй).
Бясплатныя паслугі. Раздрукоўка пасадачнага талона ў аэрапорце (калі пасажыр ужо зарэгістраваны).
Выкарыстанне самастойна раздрукаванага квітка.
Выпраўленне памылак у напісанні імя ў білеце.
Сумеснае размяшчэнне ў салоне для сем’яў з дзецьмі да 14 гадоў, цяжарных і людзей з інваліднасцю (месца побач з суправаджаючым даецца бясплатна).
Іншыя правы. Забаронена ануляваць зваротны білет або наступныя сегменты рэйса, калі пасажыр не з’явіўся на першы этап пералёту.
Больш не патрабуецца абавязкова мець мабільную праграму ці акаўнт авіякампаніі.
Правілы распаўсюджваюцца на ўсе рэйсы ўнутры ЕС, рэйсы еўрапейскіх кампаній у/з трэціх краін, а таксама на рэйсы замежных авіякампаній, якія вылятаюць з аэрапортаў ЕС.
-
«Альтэрнатыва для Германіі» ў новаабраным ландтагу Саксоніі-Анхальт адразу ж запатрабавала спыніць падтрымку Украіны і адмяніць санкцыі супраць Расіі
-
ЗША падтрымалі Латвію ў барацьбе з нелегальнай міграцыяй і высока ацанілі яе гатоўнасць узаемадзейнічаць з Беларуссю
-
У Іспаніі памерла 87‑гадовая жанчына, справа якой справакавала цяперашні палітычны крызіс у краіне
Рэдкі выпадак: памілаваны беларускі палітвязень пайшоў на вайну супраць Украіны16
Рэдкі выпадак: памілаваны беларускі палітвязень пайшоў на вайну супраць Украіны
«Стрэльба калі і стрэліць, то наўрад ці кулямётнай чаргой». Максім Знак ацаніў рэальнасць пагроз беларускай прапаганды пазбавіць грамадзянства палітэмігрантаў1212
Каментары