Турцыю некаторыя эксперты называлі ценявым фаварытам, здольную пашумець у плэй-оф. Але зборная пацярпела другую паразу на мундыялі.
Сёння раніцай туркі прайгралі Парагваю 0:1.
Гол на другой хвіліне забіў Маціяс Галарца, гэта пакуль самы хуткі гол на мундыялі.
Пасля двух тураў: ЗША — 6 балаў, Аўстралія, Парагвай — 3, Турцыя — 0.
У першым туры на мундыялі туркі прайгралі Аўстраліі 0:2. Турцыя страціла шанцы на трэцяе месца, якое б магло даць пуцёўку ў плэй-оф. Матч з ЗША ўжо нічога не вырашыць.
У канцы першага тайма быў выдалены парагваец Мігель Алмірон.
Узнікла сутычка, падчас якой 32‑гадовы парагваец прыкрыў рот рукамі і нешта сказаў турэцкаму абаронцу Мерту Мюлдзюру. Турак адразу звярнуў на гэта ўвагу арбітра Івана Бартана. Сальвадорскі суддзя пайшоў да манітора, каб прагледзець паўтор эпізоду, пасля чаго выдаліў Алмірона.
Лічыцца, што гулец прыкрывае рот, каб сказаць нешта расісцкае, а гэта аўтаматычнае выдаленне. Гэта першае ў гісторыі выдаленне пасля таго, як гулец прыкрыў рот рукой.
Так было пастаноўлена рабіць, пасля таго, як у матчы 1/4 фіналу Лігі чэмпіёнаў «Бенфіка» — «Рэал» гулец партугальцаў Джанлука Прэстыяні абразіў Вінісіюса Жуніёра, прыкрыўшы рот каўняром футболкі. Прэстыяні адмаўляў, што ў яго было расісцкае выслоўе.
Цяпер чытаюць
У Магілёве на доме, які аддалі пад расійскае пасольства, замалявалі мурал з «Пагоняй». Хоць экспертыза забараняла гэта рабіць1
У Магілёве на доме, які аддалі пад расійскае пасольства, замалявалі мурал з «Пагоняй». Хоць экспертыза забараняла гэта рабіць
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку5757
Каментары