Міністэрства антыманапольнага рэгулявання і гандлю Беларусі выявіла на маркетплэйсе Ozon продаж транспартных сродкаў, якія пазначаліся як мапеды, хоць насамрэч адпавядалі характарыстыкам матацыклаў.
Як паведамляе прэс-служба МАРГ, у продажы знаходзіліся «мапеды» з максімальнай хуткасцю ад 70 да 100 км/г і аб’ёмам рухавіка ад 125 кубічных сантыметраў. У той жа час, паводле тэхнічных нормаў Мытнага саюза, мапед павінен мець хуткасць не больш за 50 км/г і рухавік аб’ёмам да 50 кубічных сантыметраў. Транспартныя сродкі, якія перавышаюць гэтыя паказчыкі, адносяцца да катэгорыі матацыклаў.
У МАРГ адзначылі, што выкарыстанне такіх транспартных сродкаў на дарогах можа ствараць пагрозу бяспецы, асабліва калі яны прадаюцца пад няправільнай назвай і з недакладнымі характарыстыкамі.
Ведамства накіравала Ozon патрабаванне абмежаваць прагляд, заказ і дастаўку гэтых тавараў на тэрыторыі Беларусі. На гэты момант доступ да такой прадукцыі ўжо абмежаваны, а сітуацыя застаецца пад кантролем МАРГ.
У мінскай краме выставілі на продаж цэлую скрынку гнілой бульбы
«Чаму я пастаянна павінна глядзець на гадзіннік?» Беларусы ў шоку ад правіл у некаторых мінскіх рэстаранах
Сілавікі накрылі сетку арганізацый «таемных пакупнікоў». Налічылі 40 тысяч пацярпелых работнікаў гандлю
МАРГ вынес прадпісанне медцэнтру «Ладэ»
МАРГ прызнала неэтычнай рэкламу шаўрмы: «абясцэньвае жыццё жывой істоты»
Каментары
РS
Hапрыклад нa poccии гэты калькулятор прадаецца і будзе прадавацца.
Але матор, што стаіць на такіх мапедах (клон хонда супер каб)
прадугледжвае вельмі простую замену цыліндра і поршня на большы ці меньшы.
Яго можна набыць як мапед і за гадзіну перарабіць у матацыкл ці наадварот.
Так што можа нічога там і не парушана.
Матацыклетныя запчасткі проста ідуць у нагрузку.