Ministerstva antymanapolnaha rehulavańnia i handlu Biełarusi vyjaviła na markietpłejsie Ozon prodaž transpartnych srodkaŭ, jakija paznačalisia jak mapiedy, choć nasamreč adpaviadali charaktarystykam matacykłaŭ.
Jak paviedamlaje pres-słužba MARH, u prodažy znachodzilisia «mapiedy» z maksimalnaj chutkaściu ad 70 da 100 km/h i abjomam ruchavika ad 125 kubičnych santymietraŭ. U toj ža čas, pavodle techničnych normaŭ Mytnaha sajuza, mapied pavinien mieć chutkaść nie bolš za 50 km/h i ruchavik abjomam da 50 kubičnych santymietraŭ. Transpartnyja srodki, jakija pieravyšajuć hetyja pakazčyki, adnosiacca da katehoryi matacykłaŭ.
U MARH adznačyli, što vykarystańnie takich transpartnych srodkaŭ na darohach moža stvarać pahrozu biaśpiecy, asabliva kali jany pradajucca pad niapravilnaj nazvaj i ź niedakładnymi charaktarystykami.
Viedamstva nakiravała Ozon patrabavańnie abmiežavać prahlad, zakaz i dastaŭku hetych tavaraŭ na terytoryi Biełarusi. Na hety momant dostup da takoj pradukcyi ŭžo abmiežavany, a situacyja zastajecca pad kantrolem MARH.
U minskaj kramie vystavili na prodaž cełuju skrynku hniłoj bulby
«Čamu ja pastajanna pavinna hladzieć na hadzińnik?» Biełarusy ŭ šoku ad pravił u niekatorych minskich restaranach
Siłaviki nakryli sietku arhanizacyj «tajemnych pakupnikoŭ». Naličyli 40 tysiač paciarpiełych rabotnikaŭ handlu
MARH vynies pradpisańnie miedcentru «Łade»
MARH pryznała nieetyčnaj rekłamu šaŭrmy: «abiasceńvaje žyćcio žyvoj istoty»
Trahiedyja z 30‑hadovaj doktarkaj sa Starobina — pajšła vydalać zub mudraści i pamierła24
Kamientary
RS
Haprykład na poccii hety kalkulator pradajecca i budzie pradavacca.
Ale mator, što staić na takich mapiedach (kłon chonda supier kab)
praduhledžvaje vielmi prostuju zamienu cylindra i poršnia na bolšy ci mieńšy.
Jaho možna nabyć jak mapied i za hadzinu pierarabić u matacykł ci naadvarot.
Tak što moža ničoha tam i nie parušana.
Matacykletnyja zapčastki prosta iduć u nahruzku.