Беларускі дзяржаўны тэатр лялек атрымаў прыз за лепшую рэжысуру на XXII Міжнародным тэатральным фестывалі Walizka, які прайшоў 8—11 чэрвеня ў горадзе Ломжа (Польшча).
Як паведаміла загадчыца літаратурнай часткі тэатра Дар’я Візнер, беларускі тэатр прэзентаваў сваю апошнюю прэм’еру — спектакль «Чаму старэюць людзі?». Прыз за лепшую рэжысуру быў уручаны галоўнаму рэжысёру тэатра Аляксею Ляляўскаму. У фестывалі ўзялі ўдзел 17 тэатральных калектываў з Бельгіі, Босніі і Герцагавіны, Германіі, Іспаніі, Польшчы, Расіі і Славеніі.
Зараз Аляксей Ляляўскі разам з мастачкай Таццянай Нерсісян працуе над спектаклем для дарослых «Драй швэстэрн» паводле драмы Чэхава «Тры сястры». Плануецца, што прэм’ерай гэтага спектакля тэатр лялек адкрые новы сезон у верасні.
Да пачатку новага сезона таксама рыхтуецца пастаноўка для дзяцей, над якой працуе рэжысёр Аляксандр Янушкевіч разам з мастаком Валерыем Рачкоўскім. Яны рыхтуюць казку «Марынка‑крапiўніца» паводле п’есы Артура Вольскага і Пятра Макаля.
-
У Гомельскім драматычным тэатры — кадравыя чысткі. Зноў праз «палітыку»
-
«Будзе смешна і балюча»: «Купалаўцы» прэзентуюць заўтра новы спектакль. У галоўных ролях — Манаеў, Белахвосцік, Гарцуева
-
«Рашэнне прыйшло звонку». Што адбываецца ў віцебскім тэатры, дзе ў спектаклі прагучала «Жыве Фландрыя!» і пачалася чарада звальненняў?
Цяпер чытаюць
«Народ павінен на гэту ўладу маліцца». Лукашэнка патрабуе, каб пасля арміі хлопцы вярталіся строга на ранейшыя месцы працы16
«Народ павінен на гэту ўладу маліцца». Лукашэнка патрабуе, каб пасля арміі хлопцы вярталіся строга на ранейшыя месцы працы
Стаў героем Магілёўскага ўнівера, збіраў фальклор, працаваў на беларусізацыю садкоў — расказваем пра Яўгена Бойку, асуджанага за салідарнасць з палітвязнямі77
Каментары