Расійская армія сканцэнтравала каля Сумаў вялікую групоўку прыкладна з 50 тысяч салдат і знаходзіцца за 20 кіламетрах ад горада. У той час як Дональд Трамп працягвае казаць, што Пуцін хоча скончыць вайну, расійскія войскі бамбяць украінскія гарады рэкорднай колькасцю дронаў і ракет, а таксама спрабуюць арганізаваць новы наступ. Але асноўная тактыка — гэта вялікія масавыя атакі, пры якіх расіяне страчваюць шмат салдат, піша The Wall Street Journal.
Пасля выціскання ўкраінскіх войскаў з Курскай вобласці Расія перакінула вялікую групоўку на Сумы, дзе яе колькасць утрая большая за колькасць украінскіх абаронцаў. Галоўная стратэгія праціўніка — знясіліць абаронцаў колькасцю салдат, адзначае камандуючы УСУ Аляксандр Сырскі.
За апошні год фронт павялічыўся больш чым на 160 кіламетраў і цяпер мае даўжыню больш за 1200 кіламетраў. Каб утрымаць сітуацыю пад кантролем, украінскія сілы даслалі пад Сумы спецпадраздзяленне «Цімур», якое дапамогло спыніць наступ і вярнуць частку тэрыторыі. Хоць колькасць праціўніка вялікая і Расія страчвае ад 300 да 400 чалавек штодня, яны ўсё роўна атрымліваюць рэзервы.
Акрамя колькасці салдат, Расія мае перавагу ў боепрыпасах — артылерыйскіх снарадах, ракетах і дронах. Яна значна павялічыла вытворчасць беспілотнікаў і ў апошнія дні нанесла рэкордны ўдар па ўкраінскіх гарадах — звыш 500 дронаў і ракет за ноч.
Але, на думку заходніх аналітыкаў, гэтыя перавагі не дазволяць расійскай арміі зрабіць вырашальны прарыў летам, бо фронт вельмі складана кантраляваць, а ўкраінская артылерыя і дроны моцна ўскладняюць наступ расіян.
«У пашпарце бабулі стаіць дата нараджэння 00.00.1945» — «А ў маёй XX.XX.1940». Як такое можа быць?2
Каментары