Стан афганскага хлопчыка, якога беларус кінуў на падлогу ў аэрапорце Шарамеццева, палепшыўся
Двухгадовага хлопчыка вывелі з комы, ён пачаў самастойна дыхаць без апарата ШВЛ, паведамляе тэлеграм-канал Shot. Цяпер дзіця ў прытомнасці, хоць усё яшчэ і знаходзіцца ў рэанімацыі.
Па словах крыніцы канала, дынаміка хлопчыка станоўчая і, магчыма, хутка яго перавядуць у звычайную палату. Наперадзе — рэабілітацыя, якая можа заняць некалькі месяцаў.
Інцыдэнт адбыўся 24 чэрвеня ў маскоўскім аэрапорце «Шарамеццева». Мужчына раптоўна схапіў незнаёмага двухгадовага хлопчыка, які стаяў побач, і з размаху кінуў яго на падлогу.
Нападніком аказаўся 31-гадовы грамадзянін Беларусі Уладзімір Віцікаў. Як высветлілася, перад вылетам ён ужыў гашыш у Каіры, а ў Duty Free выпіў тры бутэлькі віскі. Акрамя таго, у яго выявілі шызафрэнію.
Беларусу прад’яўлена абвінавачванне ў замаху на забойства малалетняга. Яму пагражае да 15 гадоў пазбаўлення волі.
Хто той неадэкватны беларус, які ляснуў дзіцятка галавой аб падлогу ў маскоўскім Шарамеццеве
Беларус, які жорстка збіў малога хлопчыка ў «Шарамеццева», перад нападам ужыў гашыш і выпіў тры пляшкі віскі
Хлопчыка, якога неадэкватны беларус кінуў на падлогу ў маскоўскім аэрапорце, рыхтуюцца вывесці з комы
У беларуса, які пакалечыў паўтарагадовага хлопчыка ў маскоўскім аэрапорце, выявілі шызафрэнію
«Яўрэй-сіяніст напаў на іранскае дзіця». У твітары істэрыя вакол фэйкаў пра беларуса, які напаў на хлопчыка ў маскоўскім аэрапорце
Каментары
[Зрэдагавана]