У Гомелі 9‑гадовыя хлопчыкі вырашылі праверыць, як гарыць антысептык. Адзін з іх шпіталізаваны
Двое дзевяцігадовых хлопчыкаў перад пачаткам другой змены ў школе вырашылі доследным шляхам высветліць, як гарыць антысептык, распавядае «Белка».
З шафкі хлопцы дасталі пластыкавую банку з гаручым рэчывам і паставілі на газавую пліту.
Змесціва ўспыхнула імгненна, полымя ахапіла амаль увесь пакой.
— Адзін з хлопчыкаў пацярпеў нязначна, бо стаяў крыху далей ад пліты, чым другі хлопчык. У другога ж загарэлася майка. Падлетак атрымаў апёкі 24% скурнага покрыва. Зараз дзіця знаходзіцца ў бальніцы, — удакладніла намеснік старшыні камісіі па справах непаўналетніх Гомельскага гарвыканкама Крысціна Обухава.
Каментары