Беларус, які жорстка збіў малога хлопчыка ў «Шарамеццева», перад нападам ужыў гашыш і выпіў тры пляшкі віскі
Неадэкватны беларус, які кінуў двухгадовае дзіця з вышыні свайго росту ў маскоўскім аэрапорце «Шарамеццева», перад нападам ужыў віскі і ў зоне выдачы багажу — канчаткова страціў сувязь з рэальнасцю і пакалечыў малога, піша Mash.
Па інфармацыі Mash, 31-гадовы беларус Уладзімір Віцікаў працаваў у Каіры месяц — мантаваў металічныя канструкцыі на аб’екце.
Па заканчэнні праекта ён паляцеў дадому — да жонкі і двух маленькіх дзяцей.
Перад учынкам пачаставаўся гашышам з каірскага рынку і запіў яго трыма пляшкамі віскі ў аэрапорце.
Навошта напаў на малога — растлумачыць не можа. На допыце ён усё яшчэ быў нецвярозы. Са слоў беларуса, на радзіме ён быў судзімы за абарот наркотыкаў.
Хлопчык па-ранейшаму ў цяжкім стане. Падмаскоўны Следчы камітэт хадайнічае ў судзе аб арышце мужчыны.
«Некаторым людзям варта зняць ружовыя акуляры». Лявончык — пра Мельнікаву, уцечку ў «Байхэлп», белыя паліто і грошы на 1300 палітвязняў10
Каментары