У маі прэзідэнт ЗША адмовіўся ўводзіць санкцыі супраць Масквы.
Прэзідэнт ЗША Дональд Трамп падтрымаў законапраект аб пошлінах у 500% супраць краін, якія гандлююць з Расіяй, нягледзячы на вайну ва Украіне. З такім сцвярджэннем у нядзелю, 30 чэрвеня, выступіў суаўтар законапраекта, сенатар-рэспубліканец Ліндсі Грэм у інтэрв’ю амерыканскаму тэлеканалу ABC, паведамляе Deutsche Welle.
«Учора ўпершыню прэзідэнт сказаў мне, калі мы з ім гулялі ў гольф, што прыйшоў час прасунуць законапраект», — сказаў Грэм.
Паводле яго слоў, разгляд дакумента пачнецца «пасля ліпеньскага перапынку», гэта значыць пасля святкавання Дня незалежнасці ЗША. Работа Кангрэса павінна аднавіцца 7 ліпеня.
Грэм за пошліны супраць Індыі і Кітая.
«Калі вы купляеце тавары ў Расіі і не дапамагаеце Украіне, то будуць тарыфы ў 500% на вашы тавары, што ідуць у ЗША. Індыя і Кітай купляюць 70% пуцінскай нафты, падтрымліваючы ваенную машыну. Мой законапраект падтрымліваюць 84 сенатары. Ён дасць магчымасць прэзідэнту накласці санкцыі на Індыю, Кітай і іншыя краіны, каб яны спынілі фінансаванне ваеннай машыны Пуціна і селі за стол перамоў», — сказаў Грэм.
Ён лічыць, што прыняцце законапраекта дасць Трампу «інструмент, якога ў яго цяпер няма».
Сенатар ухіліўся ад адказу на прамое пытанне, ці падпіша прэзідэнт законапраект.
Стаў героем Магілёўскага ўнівера, збіраў фальклор, працаваў на беларусізацыю садкоў — расказваем пра Яўгена Бойку, асуджанага за салідарнасць з палітвязнямі77
Каментары
Хоць гэта і нашкодзіла эканоміцы Саудаўскай Арабіі ў кароткатэрміновай пэрспэктыве, выглядае, што ЗША аказалі фінансавую падтрымку. Як сьведчыць адна крыніца, тагачасны дырэктар ЦРУ Кейсі прапанаваў шэйхам фінансавыя рэпарацыі ў абмен на гэты крок. Гэта пацьвярджаецца тым фактам, што ў 1986 годзе 80% саудаўскай нафты прадавалася праз амэрыканскія кампаніі, такія як Exxon, Mobil, Texaco і Chevron.
У выніку Бальшавіцкая імпэрыя пагрузілася ў глыбокую рэцэсію. Ужо далікатнае, цэнтралізавана плянаванае гаспадарка Бальшавіцкай імпэрыі не змагла справіцца з шокам. Замежная запазычанасьць СССР вырасла з 30 мільярдаў даляраў у 1986 годзе да 50 мільярдаў даляраў у 1989 годзе.
Урэшце, цэны на нафту аднавіліся, дасягнуўшы прыбытковасьці для Саудаўскай Арабіі ў пачатку 2000-х. Але да таго часу яны, верагодна, назапасілі значныя сувэрэнныя фонды з высокапрыбытковых 1970-х гадоў. ЗША ж, тым часам, атрымалі значны прыбытак. У 1986 годзе амэрыканскія бэнзакалёнкі нават раздавалі бяспланны бэнзін у якасьці рэклямы.
Гэты абвал цэнаў на нафту быў галоўным фактарам перамогі ЗША ў Халоднай вайне. Выніковыя эканамічныя цяжкасьці вымусілі Бальшавіцкага мафіёзнага боса Міхаіла Гарбачова пайсьці на непапулярныя палітычныя саступкі. Ягоныя спробы рэформаў (ягонай імпэрыі) былі асуджаныя на правал з-за недахопу сродкаў. Рыторыка Гарбачова не знайшла водгуку ў насельніцтва, якое ўсё больш беднела і патрабавала адказнасьці за недальнабачныя дзеяньні ўраду. Гэта адкрыла шлях для антыкаляніяльнай жорсткай крытыкі ўсёй Бальшавіцкай імпэрскай сыстэмы. Да канца 1980-х гадоў распад Бальшавіцкай імпэрыі быў непазьбежны.