Выдавецтва «Тэхналогія» выпусціла каляндар на 2026 год з чорна-белымі фотаздымкамі, зробленымі ў Мінску ў 2002—2005 гадах. Аўтар фота — мастак, фатограф і літаратар Артур Клінаў. Каляндар прысвечаны 20‑годдзю ягонага праекта «Горад Сонца».
Як паведамляе выдавецтва на сваёй старонцы ў інстаграме, каляндар выйшаў на беларускай і англійскай мовах, каштуе 21 рубель.
«Горад СОНца» — праект Артура Клінава, прысвечаны вобразу Мінска як ідэальнага горада Утопіі для будучага ідэальнага грамадства.
«У кнізе «Малая падарожная кніжка па Горадзе СОНца» Артур Клінаў як архітэктар-горадабудаўнік вядзе экскурсію па Горадзе СОНца, апавядаючы пра яго канцэпцыю, гісторыю з’яўлення, эстэтыку і каноны. Акрамя таго, праект «Горад СОНца» — гэта ўнікальная калекцыя мастацкіх фотаздымкаў, зробленых аўтарам у 2002—2005 гадах», — адзначаюць выдаўцы.
Замовіць каляндар можна на сайце tn.by або набыць у краме выдавецтва па адрасе Ляўкова, 19 (уваход з боку Варанянскага, ст. метро Кавальская Слабада, пн-чц з 10:00 па 19:00, пт — 10:00—18:00).
Цяпер чытаюць
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?19
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары
Клінаў так выдзяляе "сон" у назве з самага пачатку, з 2006-га.
Яна значыць "город–сон, в котором лучшие советские архитекторы гениально воплотили свои мечты об идеальном «акрополисе» в стране коммунизма, который когда–нибудь, да победит."
Пакуль не бачна, што аўтар неяк перавызнычыў сэнс назвы. Гэта Вашае ўласнае ўспрыманне, рэ-інтэрпрэтацыя.
А галоўная частка назвы пра нібыта рэалізацыю Горада Сонца Кампанелы ў Мінску.