У найбліжэйшы час у сталічных крамах пачнуць прадаваць новы дэсерт — шарбет са смакам вядомага газаванага напою «Сняжок». Пра гэта паведаміў дырэктар Мінскага холадакамбіната № 2 Дзмітрый Банохаў, піша агенцтва «Мінск-Навіны».
Здымак ілюстрацыйны. Фота: magnific.com
Навінку стварылі ў супрацоўніцтве з адным з найбуйнейшых вытворцаў мінеральнай і пітной вады ў Беларусі.
Асновай шарбету стане яблычнае пюрэ, да якога дадалі смак напою «Сняжок». Па словах вытворцаў, ідэя ўзнікла з жадання аб'яднаць знаёмыя з дзяцінства прадукты ў новым фармаце.
У выніку атрымаўся лёгкі асвяжальны дэсерт з прыемнай кіслінкай. На прадпрыемстве лічаць, што новы прадукт можа спадабацца як дзецям, так і дарослым.
Каментары