Ад шакаладнага сыру да вогненных бургераў: якія навінкі з'явіліся ў Беларусі
Восень падыходзіць да канца, і на паліцах беларускіх крам ужо пачынаюць з'яўляцца сезонныя і святочныя навінкі. Вытворцы выпускаюць абмежаваныя серыі прадуктаў, натхнёныя зімовымі смакамі і настроем надыходзячых святаў — ад дэсертаў да гарачых страў, піша «Анлайнер».
«Малочны свет» прэзентаваў шакаладны плаўлены сыр
У крамах з'явілася навінка ад прадпрыемства «Малочны свет» — шакаладны плаўлены сыр. Вытворца адзначае, што прадукт спалучае слодыч какавы і лёгкую саленаватасць сыру. Новы смак прызначаны для ўжывання як самастойны дэсерт або ў якасці намазкі на тосты.
«Санта Брэмар» выпусціла марожанае са смакам імбірнага перніка
У лінейцы з'явілася навагодняя лімітаваная версія — марожанае са смакам імбірнага перніка і шакаладным соусам. Вытворца адзначае, што ў складзе сапраўды шмат пернікавага цеста, а выпуск абмежаваны.
«Савушкаў» выпусціў калядны малочны кактэйль са смакам булачкі з карыцай
Кампанія «Савушкаў» паказала лімітаваную навінку — малочны кактэйль «Топ» са смакам булачкі з карыцай. Сезонны напой з'явіўся ў крамах з 10 лістапада і будзе прадавацца толькі некалькі месяцаў.
Па даных вытворцы, асновай кактэйлю стала свежае адборнае малако, а смак натхнёны класічнай здобай з карыцай і сметанковай памадкай.
«Чырвоны харчавік» выпусціў шакаладныя дражэ ў каляровай глазуры
Кандытарская кампанія «Чырвоны харчавік» прэзентавала новую прадукцыю — шакаладныя дражэ ў яркай каляровай глазуры. Усярэдзіне — мяккі малочны шакалад, а звонку — тонкая глазура розных адценняў.
Навінка пазіцыянуецца як аналаг папулярных шакаладных дражэ і ўжо ёсць у продажы ў фірмовых крамах кампаніі.
Выпусцілі марожанае «Сталічнае эліт» па матывах аднайменных цукерак
Мінскі холадакамбінат №2 разам з фабрыкай «Камунарка» прэзентавалі навінку — марозіва эскімо «Сталічнае эліт», створанае па матывах знакамітых цукерак. Першая партыя ўжо вырабленая, і ў хуткім часе прадукт з'явіцца ў мінскіх крамах.
«МакБай» прапануе новы востры бургер «8 перцаў»
З 12 па 16 лістапада ў мабільным дадатку МойMak.by адкрыты перадпродаж пякучых навінак — «Агнядышачы Біф» і «Агнядышачы Чыкен». Кошт кожнага бургера — 15,50 рубля. Новыя пазіцыі стануць пачаткам вострай лінейкі Mak.by пад назвай «8 перцаў», прысвечанай фірмоваму соусу.
Ва Украіне на рынку заўважылі масла, вельмі падобнае да беларускага
«Палякі сталі заўважаць наш зефір». Стваральнік крамы з беларускім каларытам расказаў, як культывуе беларускасць у Познані
Нятаннае паліто беларускага брэнду сапсавалася за 20 хвілін праз вільготнасць на вуліцы
У Баранавічах людзі ганяюцца за таннымі ёгуртамі, але не ўсім шчасціць іх здабыць
«Савушкаў» выпусціў сыркі «Дубай», а цяпер здымае іх з продажу
Цяпер чытаюць
Сталі вядомыя падрабязнасці таго, як у В'етнаме затрымалі Верамейчыка2
Каментары
Меня не проведёшь искусственными ароматизаторами, ядрёными цветами и дебильными коллаборациями как бела-кола со вкусом бобруйского зефира и бобруйский зефир со вкусом бела-колы, мороженого со вкусом конфет «Столичные элит» и будущих конфет со вкусом мороженого «Каштан».
«Савушкин» или «Санта Бремор», кстати, давно уже выпускали мороженое и/или сырки с названием конфет с их фирменным дизайном «Аэрофлотские» и прочие.