Канье Уэст сабраў 118 тысяч чалавек на канцэрце ў Стамбуле. Кажа, гэта самы вялікі стадыённы канцэрт у гісторыі
Выступы гэтага скандальнага рэпера адмянілі ў некалькіх краінах з-за яго антысеміцкіх выказванняў і пахвальбы Гітлеру.
Амерыканскі рэпер Канье Уэст, таксама вядомы як Ye, сабраў 118 тысяч фанатаў на канцэрце ў Стамбуле 30 мая, паведаміла турэцкае дзяржаўнае агенцтва Anadolu.
Сярод гледачоў былі фанаты з Вялікабрытаніі, Германіі, Францыі, Нідэрландаў, Італіі, Расіі, Польшчы і Блізкага Усходу.
Гэты першы канцэрт рэпера ў Еўропе з 2014 года і першы ў Турцыі.
«Я проста хачу сказаць усім вам, мы толькі што пабілі рэкорд, 118 тысяч, найбуйнейшы стадыённы выступ усіх часоў», — сказаў Уэст на канцэрце.
Уэст гэтым летам сутыкнуўся з хваляй адмен канцэртаў па ўсёй Еўропе пасля шматгадовых антысеміцкіх заўваг, уключаючы выказванні з пахвалой Адольфа Гітлера і выпуск кантэнту з выкарыстаннем нацысцкай сімволікі, піша Reuters. Напрыклад, яго крытыкавалі за рэліз «Heil Hitler».
Канцэрты Канье Уэста адмянілі ў Вялікабрытаніі, Нідэрландах, Польшчы.
У студзені рэпер размясціў рэкламу на поўную старонку ў Wall Street Journal, у якой адрокся ад свайго мінулага захаплення Гітлерам і папрасіў прабачэння за свае паводзіны, якія ён звязаў з недыягнаставанай траўмай галаўнога мозга і невылечаным біпалярным расстройствам.
Разам з тым камерцыйны поспех Уэста неверагодны. Яго апошні студыйны альбом Bully дэбютаваў на 1‑м месцы ў чарце Top R&B/Hip-Hop Albums адразу пасля свайго рэлізу ў пачатку гэтага года. Рэпер мае 24 прэміі «Грэмі» і 10 альбомаў, якія займалі 1‑е месца ў Billboard 200, што робіць яго адным з самых тытулаваных артыстаў у гісторыі чартаў, піша Billboard.
Цяпер чытаюць
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
Каментары
ну неяк жа была ўпала на чыюсьці машыну... капот у смятку... добра, што муж быў побач - агледзеў капот потым азірнуўся па баках сказаў - ну ты даеш... але ніхто не бачыў, таму хуценька бяжым адсюль