Трамп адрэагаваў на стральбу каля Белага дома і зноў нагадаў пра бальную залу
Прэзідэнт ЗША Дональд Трамп падзякаваў праваахоўнікам за прафесійную працу каля Белага дома, у выніку якой быў забіты ўзброены нападнік. Трамп зноў падкрэсліў неабходнасць дабудаваць «абароненую бальную залу» ў Белым доме.
У сваім пасце Дональд Трамп напісаў Truth Social: «Дзякуй нашай выдатнай Сакрэтнай службе і праваахоўным органам за хуткія і прафесійныя дзеянні, зробленыя сёння ўвечары супраць узброенага чалавека каля Белага дома, які меў крымінальнае мінулае і, магчыма, апантанасць самай дарагой для нашай краіны пабудовай. Узброены чалавек мёртвы пасля перастрэлкі з агентамі Сакрэтнай службы каля варот Белага дома».
Гэты інцыдэнт кіраўнік ЗША адразу выкарыстаў як аргумент у даўнім палітычным і будаўнічым споры, нагадаўшы пра красавіцкую стральбу падчас вячэры Асацыяцыі карэспандэнтаў у гатэлі Washington Hilton:
«Гэтая падзея адбылася праз месяц пасля стральбы на вячэры карэспандэнтаў Белага дома і паказвае, наколькі важна для ўсіх будучых прэзідэнтаў атрымаць самую бяспечную і абароненую прастору такога тыпу, якая калі-небудзь будавалася ў Вашынгтоне, акруга Калумбія. Нацыянальная бяспека нашай краіны патрабуе гэтага!»
Пасля красавіцкага замаху ў гатэлі ён ужо заяўляў, што інцыдэнту не здарылася б, каб у рэзідэнцыі было ўласнае бяспечнае памяшканне для такіх урачыстасцяў.
Аднак праект сутыкнуўся з сур'ёзнымі праблемамі. Каштарыс будаўніцтва пастаянна рос і, па апошніх ацэнках Трампа, дасягнуў $400 мільёнаў (пачынаўся з $200 млн). План рэспубліканцаў выдзеліць на гэта грошы з федэральнага бюджэту пакуль заблакаваны ў Сенаце.
Першапачаткова прэзідэнт ЗША абяцаў, што будаўніцтва «не закране цяперашні будынак», аднак у выніку дзеля залы цалкам знеслі ўсё Усходняе крыло Белага дома.
1 красавіка 2026 года суд у ЗША абавязаў прыпыніць будаўнічыя працы.
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?19
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары
- В шестой палате где раньше Наполеон был.