У ГУР заявілі, што Расія рыхтуе вяснова-летні наступ і хоча захапіць Данбас да верасня
Таксама Украіна не мае дастатковай колькасці сучасных сістэм супрацьпаветранай абароны, у тым ліку Patriot, каб прыкрыць усю тэрыторыю краіны ў адказ на балістычныя атакі.
Намеснік начальніка Галоўнага ўпраўлення разведкі Мінабароны Украіны Вадзім Скібіцкі заявіў, што Расія рыхтуе новы вяснова-летні наступ на паўднёвым усходзе Украіны, прыцягвае стратэгічны рэзерв і плануе павялічыць сваю групоўку ва Украіне яшчэ на 20 тысяч вайскоўцаў. Пра гэта Скібіцкі заявіў у інтэрв’ю Financial Times, піша «Украінская праўда».
Цяпер, паводле ацэнкі ГУР, яна налічвае каля 680 тысяч чалавек.
Скібіцкі адзначыў, што Расія мае намер захапіць увесь Данбас да верасня.
Ён таксама падкрэсліў, што ў апошні час расійскія войскі нарошчваюць удары балістычнымі ракетамі па ўкраінскіх гарадах. Паводле яго слоў, Расія вырабляе каля 60 ракет «Іскандэр» у месяц і пашырае магчымасці пускавых установак.
У той жа час Украіна не мае дастатковай колькасці сучасных сістэм супрацьпаветранай абароны, у тым ліку Patriot, каб прыкрыць усю тэрыторыю краіны. Скібіцкі папярэдзіў, што крытычная інфраструктура, перш за ўсё энергетычныя аб’екты, якія былі значна пашкоджаны падчас зімовых атак, застаюцца ўразлівымі, бо Расія ўдасканальвае тактыку ўдараў.
Скібіцкі адзначыў, што рост ракетных і дронавых атак Расіі з’яўляецца часткай больш шырокай кампаніі па знішчэнні крытычнай інфраструктуры і фарміраванні поля бою напярэдадні новага вяснова-летняга наступу.
Таксама ён дадаў, што такімі дзеяннямі Масква дэманструе адсутнасць сур’ёзных намераў адносна перамоваў і плануе працягваць вайну.
Цяпер чытаюць
«На караблі кожны дзень — панядзелак». Беларуска расказала пра сваю працу на круізным лайнеры6
Каментары