U HUR zajavili, što Rasija rychtuje viasnova-letni nastup i choča zachapić Danbas da vieraśnia
Taksama Ukraina nie maje dastatkovaj kolkaści sučasnych sistem supraćpavietranaj abarony, u tym liku Patriot, kab prykryć usiu terytoryju krainy ŭ adkaz na balistyčnyja ataki.
Namieśnik načalnika Hałoŭnaha ŭpraŭleńnia raźviedki Minabarony Ukrainy Vadzim Skibicki zajaviŭ, što Rasija rychtuje novy viasnova-letni nastup na paŭdniovym uschodzie Ukrainy, pryciahvaje stratehičny rezierv i płanuje pavialičyć svaju hrupoŭku va Ukrainie jašče na 20 tysiač vajskoŭcaŭ. Pra heta Skibicki zajaviŭ u intervju Financial Times, piša «Ukrainskaja praŭda».
Ciapier, pavodle acenki HUR, jana naličvaje kala 680 tysiač čałaviek.
Skibicki adznačyŭ, što Rasija maje namier zachapić uvieś Danbas da vieraśnia.
Jon taksama padkreśliŭ, što ŭ apošni čas rasijskija vojski naroščvajuć udary balistyčnymi rakietami pa ŭkrainskich haradach. Pavodle jaho słoŭ, Rasija vyrablaje kala 60 rakiet «Iskander» u miesiac i pašyraje mahčymaści puskavych ustanovak.
U toj ža čas Ukraina nie maje dastatkovaj kolkaści sučasnych sistem supraćpavietranaj abarony, u tym liku Patriot, kab prykryć usiu terytoryju krainy. Skibicki papiaredziŭ, što krytyčnaja infrastruktura, pierš za ŭsio enierhietyčnyja abjekty, jakija byli značna paškodžany padčas zimovych atak, zastajucca ŭraźlivymi, bo Rasija ŭdaskanalvaje taktyku ŭdaraŭ.
Skibicki adznačyŭ, što rost rakietnych i dronavych atak Rasii źjaŭlajecca častkaj bolš šyrokaj kampanii pa źniščeńni krytyčnaj infrastruktury i farmiravańni pola boju napiaredadni novaha viasnova-letniaha nastupu.
Taksama jon dadaŭ, što takimi dziejańniami Maskva demanstruje adsutnaść surjoznych namieraŭ adnosna pieramovaŭ i płanuje praciahvać vajnu.
Ciapier čytajuć
«Kali pasadziać znoŭ, to pasiadžu». Pačobut pra svajo vyzvaleńnie, kamiery śmiarotnikaŭ, bitvu za honar u sudzie i žadańnie viarnucca9
Kamientary