З 29 сакавіка Нацыянальны аэрапорт Мінск пераходзіць на летні расклад, які будзе дзейнічаць да 24 кастрычніка. У новым сезоне рэгулярныя рэйсы з беларускай сталіцы плануюць выконваць 10 авіякампаній.
Усяго ў раскладзе заяўлена 34 напрамкі, уключаючы папулярныя курортныя маршруты і рэйсы ў аддаленыя рэгіёны Расіі.
Нягледзячы на наяўнасць у летнім плане рэйсаў у Ізраіль, «Белавія» ўжо падоўжыла адмену палётаў у Тэль-Авіў да 16 красавіка ўключна. Гэта звязана з рашэннем авіяцыйных уладаў Ізраіля абмежаваць выкарыстанне паветранай прасторы для замежных перавозчыкаў.
Таксама пад пытаннем застаецца стабільнасць рэйсаў у Дубай: раней паведамлялася аб прыпыненні палётаў па гэтым напрамку да 19 красавіка з-за адклікання слотаў мясцовымі ўладамі.
Тым не менш у асноўным раскладзе «Белавія» значыцца наступны пералік гарадоў: Алматы, Астана, Баку, Батумі, Дэлі, Дубай, Екацярынбург, Ерэван, Казань, Калінінград, Камрань/Нячанг (В’етнам), Кутаісі, Матала (Шры-Ланка), Масква (Дамадзедава, Унукава, Шарамеццева), Махачкала, Мурманск, Санья, Санкт-Пецярбург, Сочы, Стамбул, Ташкент, Тбілісі, Тэль-Авіў, Туркменбашы і Урумчы.
Расійскія перавозчыкі таксама пацвердзілі свае праграмы. «Аэрафлот» злучыць Мінск з Шарамеццева, а «Пабеда» — з Унукава і Санкт-Пецярбургам. Red Wings плануе лётаць у падмаскоўны Жукоўскі, а таксама ў Перм, Самару і Чалябінск. Кампанія «Северсталь» забяспечыць рэйсы ў Калугу, Петразаводск і Чарапавец, а «Азімут» — у Мінеральныя Воды. На азіяцкім напрамку палёты ў Пекін і Сіянь працягне Air China, у Ташкент — Uzbekistan Airways, у Алматы — SCAT, а з Дубая ў Мінск будзе лётаць FlyDubai.
Цяпер чытаюць
У Слуцку жанчыну аштрафавалі за пакінутыя каля сметніцы добрае адзенне і лінолеум. Людзі не вытрымалі, даведаўшыся пра гэта11
У Слуцку жанчыну аштрафавалі за пакінутыя каля сметніцы добрае адзенне і лінолеум. Людзі не вытрымалі, даведаўшыся пра гэта
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2323
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі23
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары
Вось кошт таго, што беларусы захацелi рускага мiру i працягваюць iм насалоджвацца.