Лукашэнка пра Іран: Мы не ўвязваемся, мы не хочам сваёй краіне праблемы
Палітык сёння пракаментаваў сітуацыі на Блізкім Усходзе.
«Мы займаем асцярожную, узважаную пазіцыю. Чалавечную. З Іранам у нас былі добрыя адносіны, — адзначыў ён. — Разбамбілі краіну. Старажытная краіна. Вельмі духоўныя людзі, мусульмане. Пачалася вайна. Вы бачылі, я сустракаўся з паслом (Ірана). Мы павінны былі паступіць па-чалавечы. Так і паступілі».
«Мы не ўцягваемся ў гэтую вайну. Я не хачу навязаць сваёй краіне нейкія праблемы. Там амерыканцы з яўрэямі ўжо столькі сабе праблем стварылі…», — заявіў ён.
Аляксандр Лукашэнка нагадаў, што раней Ізраіль разбамбіў сектар Газа: «Дзяцей, усё перамяшалі, там нічога жывога няма».
«Іран — гэта вялізная краіна, горныя масівы. Яны шмат прарылі тунэляў і схавалі. Ніводная зброя не дастане. Гэта павінны былі ізраільцяне пралічыць і выкласці Трампу: «Вось такая сітуацыя, што будзем рабіць?» Прыехалі, стрэльбу ў рукі — і наперад… Што атрымалася? А нічога. Я ведаю, чаго яны хацелі. Гэта 4—5 пунктаў, пачынаючы ад звяржэння ўлады і заканчваючы бамбёжкамі ядзерных аб’ектаў, адмовай ад ядзернай зброі. Нічога не атрымалася», — сказаў ён.
Цяпер чытаюць
Зяленскі: Рэтранслятары на мяжы Беларусі прыпынілі працу71
Каментары