Але цана ўнушае.
Сярод тысяч сучасных, мінімалістычных і стэрыльных інтэр'ераў заўсёды вылучаюцца кватэры, уладальнікі якіх рызыкнулі надаць ім пэўны характар. Напрыклад, двушка на праспекце Дзяржынскага ў Мінску нагадвае сапраўдны англійскі паб, у якім цёмна, брутальна і інтымна. Такое нестандартнае жыллё зараз здаецца ў арэнду, піша Onliner.by.
Кватэра знаходзіцца ў доме па адрасе праспект Дзяржынскага, 24. У ёй камфортная планіроўка: ёсць асобная спальня, а гасцёўня злучаная з кухняй.
Інтэр'ер напічканы нестандартнымі рашэннямі — чаго варты адзін толькі столь з бэлькамі ў гасцёўні. Карціну дапаўняе фігурная стальніца са слэба, кухонныя шафкі з фрэскамі і каменная інсталяцыя каля канапы ў стылі «Чэстэрфілд». Барны вайб дасягаецца ў тым ліку з дапамогай шафы з роўнымі шэрагамі келіхаў.
Спальня — ціхі куток у цёмных адценнях і з прыглушаным святлом. Яна нагадвае віп-зону ў нейкай установе.
— Кватэра з цікавым дызайнам у англійскім лофт-стылі. Ёсць усё неабходнае для камфортнага пражывання. Кухня цалкам абсталявана. Кандыцыянер, TV, пральная машынка, халадзільнік, посудамыйная машына, ванна з джакузі, Wi-Fi, смарт-тэлебачанне, гардэробная, кабінет, лаўнж-зона на балконе, — апісвае прапанову прадстаўнік рыэлтарскага агенцтва.
Колькі каштуе пажыць у такой таямнічай англійскай атмасферы? Нямала. Арэнда кватэры абыдзецца ў $1300 у месяц.
Каментары