Газеты райвыканкамаў Гомельскай вобласці і іншыя дзяржаўныя рэсурсы сталі масава размяшчаць у Telegram спасылкі на свае каналы ў расійскім месенджары Max і запрашаюць чытачоў стаць падпісчыкамі на гэтай платформе. Напрыклад, 4 сакавіка такую аб’яву размясціла газета «Маяк» Гомельскага райвыканкама. Некаторыя іншыя выданні зрабілі гэта раней, піша «Флагшток».
Такая тэндэнцыя выглядае як выкананне цэнтралізаванага ўказання зверху. Гэта адбываецца на фоне інфармацыі пра падрыхтоўку поўнага блакавання Telegram у Расіі. Магчыма, свае каналы ў расійскім месенджары дзяржаўныя медыя ствараюць на выпадак, калі такое блакаванне пасля адбудзецца і ў Беларусі.
Падобнае ўжо было, калі дзяржрэсурсы адкрывалі каналы ў расійскім RuTube, але неўзабаве іх закінулі з-за таго, што платформа не змагла стаць папулярнай.
Магчыма таксама, што папулярызацыю Max могуць праводзіць у мэтах уцягвання беларускай аўдыторыі дзеля большага распаўсюджвання прапаганды і вядзення прыхаванага сачэння.
Пра тэндэнцыю стварэння і папулярызацыі акаўнтаў у Max цэнтральнымі беларускімі дзяржаўнымі СМІ мы пісалі раней.
Беларускія дзяржаўныя СМІ пачалі заклікаць чытаць іх у расійскім месенджары Max
Расійскім вайскоўцам забараняюць карыстацца дзяржаўным месенджарам Max, які навязваюць астатняму грамадству
У Расіі загадалі перавесці ўсе дамавыя чаты ў месенджар Max
Месенджар Max стаў самым папулярным у Беларусі? Лухта, і вось чаму
Расіяне запусцілі ў Беларусі дзіўны месенджар — рэгістрацыя па нумары тэлефона, а вось выдаліцца можна толькі калі дазволяць
Цяпер чытаюць
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку35
Каментары
Только самоубийца пользуется этой дрянью.