Расійскі зэк-вайсковец пакрыўдзіўся на слова «апушчаны» і расстраляў шэсць саслужыўцаў
Адзін былы зняволены за некалькі хвілін знішчыў цэлую групу разведчыкаў — дэфіцытных спецыялістаў па беспілотніках.
Расійскі зэк забіў шэсць і параніў двух вайскоўцаў аддзялення БпЛА, распавядае ўкраінскі праект «Хачу жыць».
Канфлікт паміж разведчыкамі — аператарамі БПЛА (27‑я брыгада і цэнтр «Рубікон») і штурмавікамі з ліку былых зняволеных (121‑ы полк) разгарэўся праз выпадковы агонь па сваіх — пілоты выпадкова спалілі дронам квадрацыкл расійскіх жа штурмавікоў.
У выніку паміж разведчыкамі і штурмавікамі завязалася перапалка.
«Маладыя разведчыкі паспрабавалі вербальна ўздзейнічаць на штурмавікоў. Адзін з іх — гранатамётчык Каралёў Аляксей Мікалаевіч, які адбываў 12‑гадовы тэрмін у турме, але вызваліўся па кантракце з МА РФ», — распавядае праект.
Сяржант Петухоў пачаў пагражаць Каралёву тым, што прымусіць яго да «сэксуальнага кантакту ненатуральным чынам», абазваўшы яго «апушчаным».
Пасля гэтага Каралёў схапіў зброю і адкрыў агонь.
Падчас даволі хуткага бою загінулі:
▪️ сяржант Петухоў Вадзім Аляксандравіч, 12.07.1997, начальнік разліку FPV узвода БпЛА Выпрабавальнага цэнтра перспектыўных беспілотных тэхналогій «Рубікон», г. Кубінка;
▪️ сяржант Галатаў Дзмітрый Сяргеевіч, 02.08.1993, камандзір разведвальнага аддзялення роты разведкі 27‑й АМСБр;
▪️ яфрэйтар Кравец Радзівон Эдуардавіч, 05.10.2003, аператар разліку FPV узвода БпЛА роты разведкі 27‑й АМСБр;
▪️ мал. сяржант Нізоўцаў Сяргей Аляксандравіч, 14.04.2001, старэйшы аператар разліку FPV узвода БпЛА роты разведкі 27‑й АМСБр;
▪️ мал. сяржант Сяроў Павел Аляксандравіч, 26.06.1988, старэйшы разведчык-аператар роты разведкі 27‑й АМСБр;
▪️ яфрэйтар Кузняцоў Вячаслаў Максімавіч, 28.12.2000, разведчык-сапёр роты разведкі 27‑й АМСБр.
Яшчэ двое разведчыкаў былі параненыя.
Каралёва затрымалі.
Цяпер чытаюць
«У пашпарце бабулі стаіць дата нараджэння 00.00.1945» — «А ў маёй XX.XX.1940». Як такое можа быць?2
Каментары