Да 8 Сакавіка ў Мінску будуць працаваць 182 пляцоўкі па продажы кветак
Набыць кветкі на іх можна будзе з 5 па 8 сакавіка, пішуць Мінск-навіны.
Аддзелы гандлю і паслуг адміністрацый раёнаў сталіцы з 23 лютага пачалі прыём дакументаў для выдачы дазволаў на гандаль.
Акрамя таго, паводле даных Гандлёвага рэестра Беларусі, у Мінску функцыянуюць больш за 900 стацыянарных і інтэрнэт-крам па продажы кветак. Таксама ўсім ахвотным даюцца ў арэнду месцы для рэалізацыі кветак на рынках горада. Найбольш запатрабаванымі з’яўляюцца месцы на Камароўскім рынку.
Чакаецца, што з цяпліц сталічных прадпрыемстваў да свята ў крамы будзе пастаўлена каля 60 тыс. ружаў і 200 тыс. цюльпанаў.
— Таксама напярэдадні 8 Сакавіка вельмі запатрабаваныя кандытарскія вырабы, — скзаалі ў Мінгарвыканкама. — Хлебазаводы прадпрыемства «Мінскхлебпрам» з 4 па 8 сакавіка вырабяць і паставяць у крамы звыш 51 т кандытарскіх вырабаў. Гаворка ідзе пра тарты і пірожныя.
Каментары
Дарыце жанчынам кветкі кожны дзень, не чакая камуністычнага свята павей !