Трамп заявіў, што Пуцін гатовы да здзелкі. Каб толькі Зяленскі не спудлаваў
Прэзідэнт ЗША Дональд Трамп заявіў, што, на яго думку, Расія гатовая заключыць мірнае пагадненне з Украінай. Пры гэтым ён падкрэсліў, што ўкраінскі лідар Уладзімір Зяленскі павінен дзейнічаць, каб не страціць магчымасць спыніць вайну. Паводле Трампа, калі Кіеў не зробіць крокаў насустрач, шанец на дамоўленасць можа быць страчаны.
«Расія хоча заключыць здзелку, і Зяленскі павінен рухацца. У адваротным выпадку ён упусціць выдатную магчымасць, яму прыйдзецца дзейнічаць», — сказаў Трамп журналістам 13 лютага, адказваючы на пытанне, ці па-ранейшаму Вашынгтон патрабуе ад Зяленскага правесці прэзідэнцкія выбары да лета.
Раней выданне Financial Times са спасылкай на ўкраінскіх і заходніх чыноўнікаў паведамляла, што ва Украіне разглядаюць магчымасць правядзення прэзідэнцкіх выбараў і рэферэндуму адносна мірнага пагаднення з Расіяй вясной 2026 года. Паводле гэтых крыніц, афіцыйная заява магла б прагучаць 24 лютага — у гадавіну пачатку расійскай агрэсіі.
Таксама паведамлялася, што адміністрацыя Трампа нібыта настойвала на правядзенні выбараў і завяршэнні мірных перамоў да лета. Аднак Зяленскі абверг гэту інфармацыю. Ён адзначыў, што выбары могуць адбыцца толькі пры наяўнасці неабходных гарантый бяспекі, і падкрэсліў, што галоўнай умовай застаецца бяспека краіны. Паводле яго слоў, пытанне выбараў часцей уздымаюць партнёры Украіны, а не сама ўкраінская ўлада.
Тым часам у Крамлі паведамілі, што чарговы раўнд перамоў аб урэгуляванні канфлікту запланаваны на 17—18 лютага ў Жэневе. Расійскую дэлегацыю гэтым разам узначаліць памочнік прэзідэнта Расіі Уладзімір Мядзінскі.
Пяскоў і Лаўроў заявілі пра неабходнасць «па-мужчынску» трымацца «разуменняў», дасягнутых у Анкорыджы
Расія заявіла, што больш не лічыць сябе звязанай дамовай аб абмежаванні ядзернага арсенала
У ЗША падрыхтавалі новыя санкцыі супраць Расіі на выпадак правалу перамоў
Трамп заявіў, што Пуцін «стрымаў абяцанне» не абстрэльваць украінскія гарады на працягу тыдня
«Ціск на Пуціна не працуе». Сенатар Грэм заклікаў Трампа ўзброіць Украіну «Тамагаўкамі»
Някляеў апублікаваў злабадзённы верш. У ім згадваецца і Калеснікава з Бабарыкам, і Ціханоўская, і Пракоп'еў з Пазняком23
Каментары