Прэзідэнт Расіі Дзмітрый Мядзведзеў падпісаў пакет законаў аб тавараабмене і падаткаабкладанні ў Мытным саюзе, паведаміла 20 мая прэс‑служба Крамля.
Падпісаны федэральныя законы: «Аб ратыфікацыі Пратакола аб парадку збірання ўскосных падаткаў пры выкананні работ, аказанні паслуг у Мытным саюзе»; «Аб ратыфікацыі Пратакола аб парадку збірання ўскосных падаткаў і механізме кантролю за іх уплатай пры экспарце і імпарце тавараў у Мытным саюзе»; «Аб ратыфікацыі Пратакола аб унясенні змяненняў у Пагадненне аб прынцыпах збірання ўскосных падаткаў пры экспарце і імпарце тавараў, выкананні работ, аказанні паслуг у Мытным саюзе ад 25 студзеня 2008 года»; «Аб ратыфікацыі Пагаднення аб узаемным прызнанні акрэдытацыі органаў па сертыфікацыі (ацэнцы (пацвярджэнні адпаведнасці) і іспытных лабараторый (цэнтраў), якія выконваюць работы па ацэнцы (пацвярджэнні) адпаведнасці»; «Аб ратыфікацыі Пагаднення аб абарачэнні прадукцыі, якая падлягае абавязковай ацэнцы (пацвярджэнню) адпаведнасці, на мытнай тэрыторыі Мытнага саюза»; «Аб ратыфікацыі Пагаднення Мытнага саюза па санітарных мерах»; «Аб ратыфікацыі Пагаднення Мытнага саюза па ветэрынарна‑санітарных мерах»; «Аб ратыфікацыі Пагаднення Мытнага саюза аб каранціне раслін».
Як паведамлялася раней, законы былі прынятыя Дзярждумай 7 мая і ўхваленыя Саветам федэрацыі 13 мая 2010 года.
Мытны саюз Беларусі, Расіі і Казахстана пачаў працаваць у 2010 годзе з увядзеннем у сілу адзінага мытнага тарыфу. 1 ліпеня плануецца ўвесці ў дзеянне Мытны кодэкс саюза, да гэтага ж тэрміну мяркуецца завяршыць перанос кантрольных функцый на знешнія межы Беларусі і істотна аблегчыць кантроль на расійска‑казахстанскім участку мяжы. Ліквідацыя мытнай мяжы з Казахстанам мяркуецца ў 2011 годзе.
Цяпер чытаюць
18‑гадовы курсант Вайсковай акадэміі з Ляхавіч нікому нічога не сказаў, забраў дакументы і паехаў ваяваць за Расію. Цяпер па ім плачуць49
Каментары