Сэкс-імперыя Эпштэйна магла быць праектам КДБ для збору кампрамату на сусветных лідараў
Сэксуальная імперыя Эпштэйна была «мядовай пасткай КДБ»: фінансіст-педафіл мог працаваць на Маскву і збіраць кампрамат на прадстаўнікоў сусветных элітаў, піша Daily Mail.
Брытанская газета Daily Mail са спасылкай на крыніцы ў выведнай супольнасці сцвярджае, што Джэфры Эпштэйн мог быць часткай маштабнай спецаперацыі Масквы. Паводле версіі выдання, ён завозіў у ЗША маладых жанчын з Расіі, каб ладзіць «мядовыя пасткі» для палітыкаў, мільярдэраў і прадстаўнікоў каралеўскіх дамоў, а фота і відэа затым аказваліся ў расійскіх спецслужб.
У новых файлах Эпштэйна налічылі тысячы згадак, звязаных з Расіяй: імя Уладзімір Пуцін фігуруе больш за тысячу разоў, Масква — амаль дзесяць тысяч. У перапісцы Эпштэйн, паводле звестак Daily Mail, выхваляўся прамым доступам да Крамля нават пасля прысуду 2008 года.
У адным з лістоў 2010 года ён пытаўся, ці варта «падключыць сябра Пуціна» для развязання візавага пытання, а таксама згадваў нібыта запланаваныя сустрэчы з Пуціным у 2011 годзе. Пацверджанняў, што такія сустрэчы рэальна адбыліся, няма.
Падобныя падазрэнні гучаць не ўпершыню. Амерыканскі журналіст Крэг Унгер пісаў у кнізе «Амерыканскі кампрамат», што Эпштэйн мог карыстацца паслугамі расейскіх сутэнёраў, а ФСБ — атрымліваць з запісаў з ягоных вечарынак матэрыял для шантажу ўплывовых людзей, піша BILD.
Цяпер чытаюць
Соф'я Сапега: Пратасевіч нагаварыў на мяне цэлы том крымінальнай справы33
Соф'я Сапега: Пратасевіч нагаварыў на мяне цэлы том крымінальнай справы
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары
Але Наша Ніва ўсё далей працягвае лічыць ізраільскія інтарэсы важнейшыя за беларускія. Дык чаму ў Нашай Ніве ТАКАЯ дыспрапарцыянальная колькасць навінаў, якая адмазвае і абяляе Ізраіль?