У сераду завяршыўся агульны этап Лігі чэмпіёнаў. Ён праходзіў другі год запар.
Раней цягам трох дзесяцігоддзяў клубы разбіваліся на групы па чатыры каманды ў кожнай і гулялі ў два колы шэсць матчаў. У плэй-оф выходзілі па дзве каманды з групы.
Цяпер у асноўным раўндзе гуляе 36 дружын, кожны клуб праводзіць восем матчаў (чатыры дома, чатыры ў гасцях), а асноўны раўнд заканчваецца ў студзені.
Непасрэдна ў 1/8 фіналу выйшлі восем клубаў, што занялі ў агульнай табліцы 1—8‑е месцы: «Арсенал», «Баварыя», «Ліверпуль», «Тотэнхем», «Барселона», «Чэлсі», «Спортынг», «Манчэстэр Сіці».
Каманды, якія занялі месцы з 9‑га па 24-е, згуляюць у «накаўт-раўндзе». Там вызначацца яшчэ 8 удзельнікаў 1/8 фіналу.
На гэтай стадыі каманды з месцаў 9—16 сустрэнуцца з камандамі з месцаў 17—24. Пры гэтым ужо вядомыя прыблізныя пары (9—10 супраць 23—24, 11—12 — супраць 21—22, 13—14 — супраць 19—20, 15—16 — супраць 17—18).
«Рэал» (Іспанія) і «Інтэр» (Італія)— «Будэ/Глімт» (Нарвегія) і «Бенфіка» (Партугалія);
«ПСЖ» (Францыя) і «Ньюкасл» (Англія) — «Манака» (Францыя) і «Карабах» (Азербайджан);
«Ювентус» (Італія) і «Атлетыка» (Іспанія) — «Бруге» (Бельгія) і «Галатасарай» (Турцыя);
«Аталанта» (Італія) і «Баер» (Германія) — «Барусія» (Дортмунд, Германія) і «Алімпіякас» (Грэцыя).
Лёсаванне пройдзе ў гэту пятніцу, а матчы адбудуцца 17—18 і 24—25 лютага.
Казахстанскі «Кайрат» з беларусамі Аляксандрам Мартыновічам і Валерыем Грамыкам завершыў асноўны раўнд на апошнім 36‑м месцы, у каманды адна нічыя і сем паразаў.
18‑гадовы курсант Вайсковай акадэміі з Ляхавіч нікому нічога не сказаў, забраў дакументы і паехаў ваяваць за Расію. Цяпер па ім плачуць48
Каментары