«Паліцы пустыя». Перакупшчыкі масава вывозяць з Польшчы ў Беларусь яйкі Kinder адной серыі
Беларусы масава шукаюць у польскіх крамах шакаладныя яйкі Kinder Joy з лімітаванай калекцыі — па серыяле «Вельмі дзіўныя справы». У Беларусі яны не прадаюцца. Попыт ужо прывёў да фарміравання асобнага сегмента рынку: перакупшчыкі і перавозчыкі гатовыя вазіць яйкі з Польшчы пад заказ. Чытачы выдання Most сцвярджаюць, што цяпер гэтую серыю стала цяжка знайсці і ў польскіх гандлёвых сетках.
Яйкі з цацкамі па вядомым серыяле завозілі ў крамы Польшчы, Германіі, Італіі і некаторых іншых краін ЕС. У Беларусі яны афіцыйна не прадаюцца, але, як высветлілася, карыстаюцца попытам у дзяцей і калекцыянераў. Запыты ад тых, хто гатовы іх заказаць, масава з’яўляюцца на форумах і ў чатах.
Попыт нараджае прапанову. Баеры — тыя, хто возіць тавары пад заказ, — гатовыя прадаваць калекцыю «Вельмі дзіўныя справы» і скрынкамі, і паасобку. Цэны — 3—3,5 даляра за штуку. Для параўнання: у польскіх сеткавых крамах яшчэ нядаўна іх можна было купіць крыху даражэй за 6 злотых, або прыкладна па 1,7 даляра. Аднак на маркетплэйсах ужо з’яўляюцца прапановы па 9—14 злотых за штуку без уліку дастаўкі.
«Ёсць адчуванне, што гэтыя яйкі мэтанакіравана скупляюць і вывозяць»
Аляксей жыве ў Варшаве і не збіраўся станавіцца часткай «кіндар-эканомікі». Але некалькі месяцаў таму яго пляменніцы з Беларусі папрасілі перадаць «кіндары» менавіта па «Вельмі дзіўных справах».
«Тады ўсё было проста, — успамінае Аляксей. — Я зайшоў у Kaufland (сеткавую краму. — Заўв. Most), купіў каля дзесяці штук і перадаў праз знаёмых з агульнай перадачай да Новага года».
Нядаўна просьба паўтарылася. Аляксей зноў адправіўся ў крамы ў Варшаве і сутыкнуўся з нечаканай праблемай: патрэбных яек там проста не аказалася.
«Я прайшоўся па некалькіх сетках, зноў зазірнуў у Kaufland, дзе купляў раней. Паліцы пустыя. Канкрэтна гэтай серыі — нідзе, — кажа ён. — Прычым ёсць адчуванне, што яны зніклі не ў адной краме, а ўвогуле ўсюды».
Тады Аляксей пачаў вывучаць тэлеграм-чаты. Высветліў, што прадаўцы гатовыя сустракацца з пакупнікамі «адразу з мяжы», прадаваць паасобку або скрынкамі і нават працаваць без перадаплаты. Аляксей купляць яйкі праз чаты не стаў.
«Ствараецца ўражанне, што гэтыя яйкі мэтанакіравана скупляюць і вывозяць», — кажа мужчына. Паводле яго слоў, вазіць гатовыя і розныя серыі.
У тыктоку ролікі беларусаў, якія збіраюць калекцыю, таксама набіраюць папулярнасць. Іх аўтары дэманструюць цацкі з Kinder Joy, абмяркоўваюць канкрэтныя серыі і скардзяцца, што купіць такія «кіндары» ў беларускіх крамах немагчыма.
Беларус за 150 рублёў спрабуе прадаць эксклюзіўную фігурку з «Кіндара»
Цікавыя дэталі пра фінал серыяла «Вельмі дзіўныя справы»
Netflix расказаў пра неверагодны поспех серыяла «Вельмі дзіўныя справы». Серыял уплывае на ўсе сферы жыцця
Акцёр папулярнага серыяла «Вельмі дзіўныя справы» паўтара года не прызнаваўся пра здымкі. Казаў, што грае ў дакументалцы пра маянэз
Выходзіць фінал культавага серыяла «Вельмі дзіўныя справы». Гледачы абрынулі Netflix
Цяпер чытаюць
Трагедыя з 30‑гадовай доктаркай са Старобіна — пайшла выдаляць зуб мудрасці і памерла22
Каментары