Беларускі папулярны комік Слава Камісаранка ў адным са сваіх апошніх стэндапаў распавёў, што падаўся на міжнародную абарону ў Польшчы.
Пару гадоў таму Камісаранка атрымаў талент-візы ў ЗША і Вялікабрытанію. З легалізацыяй у іншых краінах узнікалі складанасці.
«Нямецкі консул мне адмовіў у гуманітарнай візе, бо не лічыць, што мне небяспечна ехаць у Расію ці Беларусь, а ў Іспаніі мне не далі легалізаваць мае сродкі, таму што, мабыць, гэта брудныя бабкі за брудныя жарты. Увогуле, у нейкі момант па дакументах быў адзіны варыянт — гэта ехаць у Беларусь і здавацца «Чык-чырыку». Вось там я і па дакументах праходзіў, і па тэрмінах мяне чакалі — ідэальна!» — жартаваў Камісаранка ў сваіх відэа.
Прычым талент-віза ў ЗША далася яму таксама няпроста: давялося сабраць шмат рэкамендацый і водгукаў пра творчыя поспехі, якія па выніку занялі 600 старонак. Таксама трэба было даказаць, што ў ЗША ў Камісаранкі сапраўды будзе праца — у выпадку коміка гэта быў графік з гастролямі.
«Цяпер, па-мойму, яны [талент-візы] ужо не дзейнічаюць, мне там усё паанулявалі», — расказаў гумарыст падчас свайго нядаўняга выступу.
Агулам ён разглядаў тыя візы найперш для магчымасці пашырэння геаграфіі гастроляў. Цяпер комік зноў паспрабуе легалізавацца ў Польшчы, і ўжо падаўся на міжнародную абарону. Хаця адна з глядачак параіла яму не чакаць разгляду справы, а адразу напісаць на імя польскага прэзідэнта і папрасіць грамадзянства на падставе папулярнасці і наяўнасці гумарыстычнага таленту.
Нагадаем, летась МУС Беларусі ўнёс Камісаранку ў спіс «экстрэмістаў», а пазней і «тэрарыстаў». На радзіме ён за свае жарты ў адрас Лукашэнкі быў завочна асуджаны да 6 гадоў зняволення. Па ініцыятыве ФСБ ён таксама быў пазбаўлены расійскага грамадзянства.
Цяпер чытаюць
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»28
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць1010
Каментары