Лукашэнка: Тое, што адбываецца вакол нас, не залежыць ад нас. Шаленства і яшчэ раз шаленства
Аляксандр Лукашэнка 8 студзеня падчас цырымоніі ўручэння прэмій «За духоўнае адраджэнне», спецыяльных прэмій дзеячам культуры і мастацтва і «Беларускі спартыўны Алімп» заклікаў сваіх прыхільнікаў да захавання адзінства на фоне «шаленства» сучаснага свету.
«Усё, што адбываецца вакол, вы бачыце, гэта можна назваць толькі адным словам — шаленства», — заявіў Лукашэнка.
Пасля ж перанёсся думкамі на 6 гадоў таму, у часы пандэміі каронавірусу.
«Вы памятаеце, мы з вамі гэта шаленства ўжо перажылі — тады, калі ўсе крычалі пра пандэмію, пра тое, што «ўсе памром», «заўтра пахаваюць» і гэтак далей. Але мы прайшлі гэты этап. З праблемамі пэўнымі, але розуму ў нас хапіла».
Прытым хапіла яго нібыта толькі ў адным пункце на ўсёй планеце:
«Адзіны народ у свеце. Такіх больш няма. Мы выстаялі».
Тым не менш, расслабіцца ўсё ніяк не атрымліваецца, бо сітуацыя ў свеце лепшай не робіцца:
«Сёння сітуацыя больш складаная. Тое, што адбываецца вакол нас, не залежыць ад нас. Шаленства і яшчэ раз шаленства».
Тым не менш, ён заклікаў прытрымлівацца раней вызначаных планаў і «кроў з носа павінны іх рэалізаваць», а для гэтага трэба «давяраць адзін аднаму і выконваць — кожны на сваім месцы — свае абавязкі».
Цяпер чытаюць
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці66
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці6
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю22
Каментары
Та даўняя фантазія, што ўсе іх нібыта баяцца, таксама паступова знікае, паціху.
Падобна, што хан пуцін ужо больш не дае вынікаў...
Хто гэта за вар'ят ды савецкі манкурт што не здольны жыць ні з уласнай жонкай, ні з уласным народам, ні з суседзямі, а ні па-людску, а ні па-чалавечы, а ні па-суседску?