Ціханоўская пра Бабарыку і Калеснікаву: Не бачу праблемы, калі яны будуць развіваць сваю партыю
Святлана Ціханоўская ў інтэрв'ю «Радыё Свабода» пракаментавала, як успрыме, калі Віктар Бабарыка і Марыя Калеснікава будуць ствараць сваю палітычную сілу.
«Я думаю, у нас ва ўсіх тыя самыя мэты: вызваленне людзей, дэмакратызацыя Беларусі. Так, часам могуць разыходзіцца тактыкі, і гэта нармальна. Для кагосьці, напрыклад, галоўная і адзіная задача — толькі вызваленне людзей. Але мы, як палітыкі, павінны ставіць мэты шырэйшыя: як вярнуцца дадому. Як не дапусціць новых закладнікаў. Як вярнуць беларусам свабоду. Як захаваць незалежнасць Беларусі. І вакол гэтых мэт трэба ствараць дзейнасць і супрацу. Я ўпэўненая, мы знойдзем, дзе будзем супрацоўнічаць, — як мінімум, вакол тэмы вызвалення палітвязняў, — кажа Ціханоўская.
І не бачу праблемы, калі яны будуць развіваць сваю партыю, якую яны яшчэ ў 2020 годзе запусцілі. Канешне, у выгнанні гэта рабіць вельмі цяжка, асабліва калі няма бяспечнай сувязі з людзьмі ўнутры краіны.
Партыі патрэбныя, бо рана ці позна будуць свабодныя выбары — і нам трэба, каб у нашай краіне былі сфармаваныя палітычныя сілы, і людзі маглі прагаласаваць за тых, хто ім блізкі. Мая ж задача — прадстаўляць не нейкую партыю ці адну асобную сілу, а быць голасам усіх беларусаў і ўсіх дэмакратычных сілаў. І тыя пазіцыі, якія я прадстаўляю — гэта пазіцыі шырокай кааліцыі арганізацый, партый і структур. Наша мэта цяпер — гэта дабіцца правядзення тых самых выбараў, дзе ўсе змогуць паспаборнічаць за галасы».
Ціханоўская дадала, што яны неўзабаве пабачацца з Калеснікавай.
«Ужо ёсць нейкія ідэі, што мы можам рабіць разам. І я вельмі радая, што яна на волі і зараджае беларусаў сваёй нястомнай энергіяй. Канешне, я бачу, што ёй трэба час, каб прыйсці ў сябе, асвоіцца на волі, каб паклапаціцца пра сваё здароўе і я спадзяюся, што яна прысвяціць даволі шмат часу гэтаму».
Яна таксама адказала на пытанне, ці магчымая сустрэча ўтрох з Марыяй Калеснікавай і Веранікай Цапкалай.
«Зараз у кожнай свой асабісты шлях і я не ведаю, не ўпэўненая наконт фізічнай сустрэчы, бо цяпер усе ў розных краінах, але я думаю, што мы нешта зробім утраіх у нейкім фармаце», — сказала дэмакратычная лідарка.
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»32
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць1010
Каментары
Ха-ха. Ха-ха-ха. Не, ну рана ці позна і сонца згасне, але...