Стварылі петыцыю да кампаніі Meta з просьбай дадаць беларускую мову ў Instagram і Threads
На платформе Change.org з'явілася скіраваная да кампаніі Meta петыцыя з просьбай дадаць беларускую мову ў сэрвісы Instagram і Threads.
У абгрунтаванні петыцыі адзначаецца, што для англамоўных карыстальнікаў словы Belarusian і Russian могуць падавацца падобнымі, але насамрэч гаворка ідзе пра зусім розныя з’явы. Беларуская мова — асобная паўнавартасная мова, якая мае права быць прадстаўленай на міжнародных лічбавых платформах.
У Беларусі жыве каля 9 мільёнаў чалавек, многія з якіх актыўна карыстаюцца Instagram і Threads. Аднак з-за адсутнасці беларускай мовы ў сэрвісах Meta яны вымушаныя карыстацца рускай, украінскай або англійскай. Гэта прыводзіць да шэрагу негатыўных наступстваў:
- Карыстанне сэрвісамі становіцца менш зручным.
- Узнікае адчуванне другаснасці і недаацэненасці беларускай нацыі — як у саміх беларусаў, так і ў вачах іншаземцаў.
- Сітуацыя выглядае несправядліва, бо за 15 гадоў існавання Instagram у ім з’явілася мноства моў, але беларускай сярод іх дагэтуль няма.
Адзначаецца, што прысутнасць нацыянальнай мовы ў сэрвісе звычайна павышае давер і прыхільнасць карыстальнікаў да прадукту і кампаніі. Беларускія карыстальнікі часта свядома выбіраюць тыя платформы і сэрвісы, дзе даступная беларуская мова. Таму беларуская лакалізацыя была б выгаднай і для самой кампаніі Meta.
Ініцыятар петыцыі гатовы дапамагчы ў арганізацыі працэсу перакладу: сабраць каманду прафесійных перакладчыкаў і мовазнаўцаў-валанцёраў, якія змогуць не толькі выканаць лакалізацыю, але і падтрымліваць беларускую версію сэрвісаў у будучыні.
Далучыцца да петыцыі можна тут.
Бабарыка сказаў, што Быкаў ставіў эканамічны суверэнітэт вышэй за беларускую мову. Навумчык: Не чуў ад Быкава нічога і блізка падобнага
Прапанову Меліціне Станюце абраннік зрабіў на дзвюх мовах: адна з іх — беларуская
«Цярплівыя і працавітыя, як кітайцы». Як беларусаў бачыць кітайскі магістр беларускай філалогіі
Ва ўніверсітэце ў кітайскім Сіяні вывучаюць беларускую мову і культуру
Цяпер чытаюць
«Надзея Сцяпанаўна». Мікіта Найдзёнаў апублікаваў паэму, якая нарадзілася ў Жодзінскай турме. Такога паэтычнага эпасу ў беларускай паэзіі ХХІ стагоддзя яшчэ не было66
Каментары
Напрыклад, НН мае рускую версію, бо прынцыпы не дадуць брльш чытачоў, больш чытачоў дасць руская мова.