Лукашэнка папрасіў Валянціна Сукалу «не адыходзіць далёка ад Вярхоўнага суда»
Аляксандр Лукашэнка папрасіў Валянціна Сукалу, які з 1997 года ўзначальваў Вярхоўны Суд Беларусі, і надалей дзяліцца сваім досведам і ведамі ў інтарэсах развіцця прававой сферы ў краіне. Пра гэта ён заявіў на УНС, піша БелТА.
«Я толькі адно вельмі хацеў бы, каб новы чалавек на гэтай пасадзе ўзяў ад вас усё найлепшае. Але, самае галоўнае, мы яшчэ з вамі пагаворым, каб вы не адыходзілі далёка ад Вярхоўнага суда, — сказаў Лукашэнка
— У вас заўсёды было сваё меркаванне. Вы не толькі практык, але і добры тэарэтык. І мы заўсёды звярталіся да вас, калі трэба было вырашыць тую ці іншую праблему, што датычылася не толькі судоў, але і права ў нашай краіне. Вялікі вам дзякуй. Мы будзем рабіць усё для таго, каб вы не згубіліся ў нашым грамадстве. Будзем заўсёды абапірацца на ваш досвед і веды».
Сёння старшынёй Вярхоўнага суда прызначылі генпракурора Андрэя Шведа.
-
«Беларусь — найлепшая краіна. Але трэба падрыхтавацца». Мужчына чысціў тэлефон, але яго з сям'ёй усё роўна затрымалі на мяжы
-
«Не спадабаліся прадукты на паліцы — і пішуць туды эсэмэску». МУС назвала Threads пагрозай бяспецы і заявіла пра затрыманні
-
Таксістам загадалі тэрмінова зняць усю рэкламу казіно і букмекераў з бартоў машын
Каментары