Галоўная ялінка краіны зазіхаціць зыркімі агнямі 15 снежня на Кастрычніцкай плошчы а 17.00. Урачыстая цырымонія запальвання дасць старт святочнай ілюмінацыі ва ўсім горадзе, паведамілі БелТА ў Мінгарвыканкаме.
«У гэты дзень зазіхацяць і раённыя навагоднія прыгажуні, а таксама будзе запушчаная праца ўсёй святочнай ілюмінацыі», — падкрэслілі ў Мінгарвыканкаме.
Разам з галоўнай ялінкай зазіхацяць і ялінкі на цэнтральных раённых пляцоўках.
У Кастрычніцкім раёне — на вул. Чкалава, 7, у Маскоўскім — у парку імя Паўлава, у Савецкім — на пляцоўцы каля Белдзяржфілармоніі, у Першамайскім — на пляцоўцы каля Нацыянальнай бібліятэкі і вул. Русіянава, 1, у Цэнтральным — на пляцоўцы каля Мінскага дзяржаўнага палаца дзяцей і моладзі, у Партызанскім — у парку экстрэмальных відаў спорту і парку імя Горкага, у Фрунзенскім — каля Лядовага палаца (вул. Прытыцкага, 27) і ГЦ «Максімус» (вул. Лабанка, 94), у Заводскім — на пляцоўцы каля Палаца дзяцей і моладзі «Золак» (пр. Партызанскі, 146) і ў Ленінскім — на пляцоўцы каля ГУ «Мінскканцэрт».
15 снежня а 17.00 таксама адбудзецца старт штогадовай дабрачыннай акцыі «Нашы дзеці».
Цяпер чытаюць
Начальнік крымінальнага вышуку МУС бачыў прагулачны дворык СІЗА КДБ з акна свайго кабінета, а потым сам стаў вязнем3
Каментары