У Мінску прадаюць кватэру былога піяніста «Песняроў». Інтэр'еры ўражваюць ФОТЫ
Дом сапраўды элітны — раней тут жыў дзед Колі Лукашэнкі. А цяпер у спісе патэнцыйных суседзяў можна пабачыць былога хакеіста Дзмітрыя Мялешку.
У Мінску на продаж выставілі незвычайную кватэру. Знаходзіцца пяціпакаёўка ў добрым месцы — на Чэхава, 3, побач з музычным каледжам імя Глінкі. Непадалёк праспект Машэрава і стэла. Дом быў пабудаваны ў 2002 годзе. Стаіць ён у закрытым квартале, доступ да якога ёсць толькі ў жыхароў. У двары — вялікая паркоўка, дзіцячая пляцоўка, зона для адпачынку. Карацей, ціхі цэнтр як ён ёсць.
У абвестцы аб продажы пазначана, што кватэра мае музыкальную гісторыю. А інтрыгі дадае фраза: «Вы дакранецеся да дзіўнага свету, які стаў часткай нашай цывілізацыі, свету цяпер галівудскага кампазітара, а раней піяніста і аранжыроўшчыка ансамбля «Песняры».
Імя не называецца. Але вылічыць яго не так складана. Гаворка ідзе пра Валера Галаўко, які пасля эміграцыі ў ЗША ўзяў сябе імя Лэры Галаўко.
Нарадзіўся Валер у Гомелі. У 1980‑х гадах працаваў піяністам і аранжыроўшчыкам у легендарных «Песнярах».
У інтэрв’ю мужчына неяк скардзіўся, што ў «Песнярах» не быў рэалізаваны як кампазітар. Яму было нецікава граць ці рабіць аранжыроўкі — але ж грошы былі патрэбныя.
У выніку ён закінуў творчасць, з’ехаў у ЗША і займаўся бізнэсам. А вярнуцца за піяніна яго матывавала трагедыя — мужчына разам з жонкай трапіў у аварыю, яна загінула, а Валер доўга аднаўляўся ў бальніцы. І вось у гэты час пачаў зноў пісаць музыку.
На сваім сайце Галаўко піша, быццам ён адзін з дзевяці кампазітараў, якія атрымалі ў ЗША «візу генія» і статус extraordinary abilities in Arts and Sciences («экстраардынарныя здольнасці ў мастацтве і навуцы»).
Але слава яго перабольшаная. Адшукаць у амерыканскіх медыя інфармацыю пра ўдзел Галаўко ў нейкіх буйных галівудскіх праектах складана.
У Беларусі ж кампазітара не забываюць. Музыка Галаўко гучала, напрыклад, у фільме «Дняпроўскі рубеж». Былі ў яго канцэрты ў Палацы Рэспублікі з прэзідэнцкім аркестрам і зоркамі айчыннай эстрады.
У эфіры СТБ кампазітар расказваў: «Я ніколі не перарываў адносіны з Беларуссю. У мяне быў кантракт з галівудскім лэйблам з 2001 па 2017 год. Але ў гады, калі ў Штатах ішла найбольш інтэнсіўная праца, я выпусціў тры вялізныя славянскія праграмы ў Мінску. У гэты ж перыяд у мяне нарадзіліся трое дзяцей у Мінску. Так што сувязі з Беларуссю заўсёды існавалі больш чым шчыльна. Я не перарываў узаемаадносіны з краінай, якая мяне выгадавала. Я маю намер жыць тут да канца сваіх дзён, таму што Беларусь — найлепшае месца для пражывання».
Але ж элітную нерухомасць у Мінску Галаўко вырашыў прадаць.
Агульная плошча пяціпакаёўкі — каля 235 квадратаў. Памер кухні тут большы, чым плошча студый недзе ў «Мінск-Свеце» — 30 квадратаў. Гасцінай — 40 метраў.
У пакоях некалі модныя ружовыя шафы, яркая кафля ды сцены дзіўных форм.
У аб'яве пазначана, што ўсе матэрыялы, мэбля і тэхніка выключна элітныя.
Ёсць тры спальні і працоўны кабінет, тры прыбіральні і дзве гардэробныя — адна для адзення, а другая для абутку. Бонусам ідзе і месца для паркоўкі.
Агенцтва «Мальнар», якое прадае кватэру, зняло нават відэаагляд. У ім «агент Раян» — беларус у кілце, які называе сябе шатландцам, — расхвальвае жыллё.
Асабліва «агент Раян» акцэнтуе ўвагу на раялі Steinway:
— Можна толькі ўявіць, якую геніяльную музыку гралі на гэтым раялі. Імаверна, у гэтым доме жыў інтэлектуал, які пасля доўгай працы гуляў у шахматы. А вось і пацвярджэнне маіх здагадак: бібліятэка з рэдкімі рарытэтнымі выданнямі.
Праўда, у руках у гэты момант «шатландзец» трымае скандальны раман Сяргея Мінаева «Духлес».
Просяць за кватэру «галівудскага кампазітара» $899 тысяч. Яе прадаюць з красавіка 2025 года, але пакуль марна.
Спявак Дзмітрый Калдун паказаў сваю мінскую кватэру недалёка ад Драздоў ШМАТ ФОТА
Вядомая беларуская бізнэсвумэн — і жонка праўладнага блогера-мільённіка — шукае арандатараў для свайго катэджу. Кошт ваў!
Цешча экс-старшыні СК радыкальна перабудавала катэдж у Драздах. І просіць за яго $3,3 мільёна ФОТЫ
Цяпер чытаюць
Беларуска распачала чэлендж «40 спатканняў», але ўжо на сярэдзіне не хавае расчаравання ў мужчынах45
Каментары
За 800к + евро пусть он сам катается на самокате по своим апартаментам, словно по стадиону - без окон и дверей.
За эти деньги я лучше куплю жилье подостойней на Лазурке в Ницце на Английской набережной, чем в унылом и несвободном Минске, да ещё и по такой цене.
P.S. В цену квартиры ещё включил, наверняка, имя, но оно для меня никакого значения не имеет.
Если бы я покупал скрипку Страдивари в личную коллекцию, то это - другое дело.