На лінію «102» звярнуўся супрацоўнік тралейбуснага парку і паведаміў пра пашкоджанне грамадскага транспарту. Сума прычыненай шкоды склала больш за 700 рублёў, паведамляе сталічная міліцыя.
Супрацоўнікі Партызанскага РУУС затрымалі 23‑гадовую мінчанку.
Дзяўчына разам са сваім маладым чалавекам, які нядаўна набыў пнеўматычны пісталет, адправіліся ў лесапаркавую зону побач з тралейбусным паркам, каб страляць па самаробных мішэнях.
Мінчанка вырашыла праверыць далёкасць палёту кулі і зрабіла стрэл у бок праязджаючага тралейбуса. У выніку было пашкоджана бакавае шкло транспарту.
Распачата крымінальная справа за хуліганства.
Цяпер чытаюць
Колькі беларусаў атрымалі польскае грамадзянства за апошні час. Лічбы ўражваюць27
Каментары