Чацвёра беларускіх хакеістаў у ноч на 24 снежня згулялі ў матчах рэгулярнага чэмпіянату Нацыянальнай хакейнай лігі (НХЛ).
«Вашынгтон» на сваім лёдзе з буйным лікам прайграў «Нью-Ёрк Рэйнджэрс» — 3:7. Нападаючы «Вашынгтона «Аляксей Протас закінуў шайбу і аддаў галявую перадачу, па выніках сустрэчы беларус быў прызнаны трэцяй зоркай. У 37 матчах «рэгуляркі» Аляксей Протас зарабіў 24 (13+11) балы.
«Бостан» дома саступіў «Манрэалю» з лікам 2:6, за гаспадароў дэбютаваў беларус Уладзіслаў Калячонак. Беларускі абаронца правёў на пляцоўцы 10 з паловай хвілін і скончыў сустрэчу з паказчыкам карыснасці «-1». На мінулым тыдні Уладзіслаў Калячонак перайшоў у склад «Бостана» з «Даласа».
«Чыкага «пры ўдзеле Арцёма Леўшунова прайграў «Філадэльфіі» (1:3), беларус набраў 15‑ы асістэнцкі бал у сезоне. У яшчэ адным матчы «Калгары» з Ягорам Шаранговічам саступіў «Эдмантану» (1:5), беларускі хакеіст не адзначыўся выніковымі дзеяннямі.
Уладзіслаў Калячонак будзе выступаць за «Бостан»
Авечкін першым у гісторыі закінуў 900‑ю шайбу ў рэгулярных чэмпіянатах НХЛ
Беларускі гулец уваходзіць у топ-5 самых цяжкіх хакеістаў Нацыянальнай хакейнай лігі
Легенда сусветнага хакею Ярамір Ягр распачаў 38‑ы прафесійны сезон
Беларус прапусціў стартавы матч у НХЛ. У яго няма амерыканскай візы
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ5858
Каментары