Дакументы на пражыванне ў Польшчы маюць больш за 139 тысяч беларусаў
Польскае ўпраўленне па справах замежнікаў апублікавала звесткі пра беларусаў, якія пражываюць у Польшчы, піша Reform.news.
Па стане на 1 красавіка розныя дакументы на права пражывання ў Польшчы маюць 139 343 грамадзяніны Беларусі, у тым ліку:
- 83 971 чалавек — часовы дазвол на жыхарства
- 41 480 чалавек — пастаянны дазвол на жыхарства
- 10 203 — статус дадатковай абароны
- 2 253 — статус доўгатэрміновага рэзідэнта ЕС
- 1 028 — статус бежанца
- 417 — статус часовай абароны
- 171 чалавек — іншыя падставы
Варта адзначыць, што ў польскай сістэме сацыяльнага страхавання пры гэтым зарэгістравана больш за 140 тысяч грамадзян Беларусі. Аднак статыстыка ўпраўлення па справах замежнікаў не ахоплівае ўладальнікаў працоўных віз.
У мінулым годзе беларусы падалі 52 550 заяў на атрыманне відаў на жыхарства ў Польшчы, а за першы квартал гэтага года ад грамадзян Беларусі паступіла 15 642 заявы.
Сёлета за першы квартал беларусы атрымалі:
- 5 926 часовых дазволаў на жыхарства
- 953 пастаянныя дазволы на жыхарства
- 212 статусаў рэзідэнта ЕС
Таксама ў дачыненні да грамадзян Беларусі было вынесена 846 адмоўных рашэнняў аб легалізацыі ў Польшчы, а разгляд 408 спраў быў спынены. Усяго ж за студзень—сакавік упраўленне прыняло 8 345 рашэнняў па заявах грамадзян Беларусі.
64% відаў на жыхарства беларусам былі выдадзены на падставе працы, 25% — уз’яднання сем’яў, 4% — адукацыі, па іншых абставінах — 7%.
Найбольш грамадзян Беларусі пражывае:
- у Мазавецкім ваяводстве — 54 тыс.
- у Падляшскім — 14 тыс.
- у Ніжнесілезскім — 12 тыс.
- далей ідуць: Паморскае (11,5 тыс.), Вялікапольскае (11 тыс.), Малапольскае (10 тыс.)
У першым квартале гэтага года ўпраўленне выдала грамадзянам Беларусі 1 483 праязныя дакументы (dokument podróży). Усяго ж за 2020—2026 гады беларусы атрымалі 11 016 такіх дакументаў. Для параўнання, уся Польшча за гэты ж перыяд выдала 12 663 дакументы.
Для грамадзян Беларусі ў Польшчы дзейнічае спрошчаны парадак атрымання гэтага праязнога дакумента.
Цяпер чытаюць
На пратэстанцкі фестываль у «Чыжоўку-Арэну» едзе амерыканскі прапаведнік Франклін Грэм. Разам з ім чакаюць Коўла з жонкай19
Каментары
А теперь внимание - вопрос. А где те сбежавшие то ли полмиллиона то ли миллион? Они в Германии? В Испании? В Канаде? В Нарнии? В стране невероятных фантазий?