Дональд Трамп параіў прэм’ер-міністру Японіі Санаэ Такаіці не правакаваць Кітай у пытанні Тайваня, паведамляе газета Wall Street Journal са спасылкай на крыніцы.
У пачатку лістапада Такаіці заявіла, што кітайскі напад на Тайвань можа выклікаць ваенны адказ Токіа. Пасля такой заявы кітайскі лідар Сі Цзіньпін датэлефанаваўся да Трампа і нагадаў пра гістарычныя прэтэнзіі КНР на востраў, падкрэсліўшы адказнасць ЗША і Японіі за кіраванне сусветным парадкам.
Японскія чыноўнікі і амерыканская крыніца паведамілі газеце, што пазней у той жа дзень Трамп датэлефанаваўся да Такаіці і параіў ёй не правакаваць Пекін пытаннем аб сувярэнітэце Тайваня. Паводле слоў крыніц, Трамп пастараўся данесці думку да Такаіці без ціску.
Японскія афіцыйныя асобы заявілі, што зыходзячы з таго, як Трамп параіў Такаіці не правакаваць КНР, было бачна, што ён не хоча трэнняў вакол Тайваня ставіць пад пагрозу дасягнутую ў мінулым месяцы разрадку ў адносінах ЗША і Кітая. Ідзе гаворка пра абяцанне КНР купіць больш сельскагаспадарчай прадукцыі ў амерыканскіх фермераў, якія пацярпелі ад гандлёвай вайны.
Цяпер чытаюць
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку3
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра3232
Каментары
Тэставалі менавіта яго і Штаты як п...артнера.
Цунами смоет и все.