Старшыня УНС Аляксандр Лукашэнка на пасяджэнні Прэзідыума Усебеларускага народнага сходу 25 лістапада агучыў яго папярэдні парадак дня. УНС запланаваны на 18—19 снежня, піша БелТА.
Плануецца зварот Лукашэнкі з Пасланнем да беларускага народа і парламента. У адпаведнасці з абноўленай Канстытуцыяй штогадовыя пасланні заслухоўваюцца толькі на пляцоўцы УНС.
Па-другое, сходу трэба зацвердзіць праграму сацыяльна-эканамічнага развіцця краіны на наступную пяцігодку. Ключавыя яе палажэнні абмяркоўваліся на нядаўнім нарадзе кіраўніка дзяржавы з урадам і рабочай групай з ліку профільных спецыялістаў. «Станоўчая дыскусія дала магчымасць выслухаць альтэрнатыўныя пункты гледжання. Разумныя прапановы ўлічаны», — падкрэсліў Аляксандр Лукашэнка.
«Як і ставілася задача, праграма накіравана на павышэнне дабрабыту і якасці жыцця людзей». Па яго даручэнні дапрацаваная праграма раздадзена дэлегатам УНС, якія на месцах павінны актыўна падключыцца да яе абмеркавання.
Па-трэцяе, Усебеларускаму народнаму сходу неабходна вырашыць кадравыя пытанні. Так, трэба абраць новага члена прэзідыума УНС замест мінулага. «У нас кампактны прэзідыум, непажадана, каб былі вакансіі», — адзначыў Лукашэнка.
Цяпер чытаюць
«Я яб*н, таму і пайшоў». Малады беларус кінуў цяжарную жонку і паехаў на вайну, пасля здрадзіў ёй дый загінуў5
Каментары