Мінскі метрапалітэн падзяліўся ў сваім тэлеграм-канале відэафрагментам з канадскага фільма Nature Unleashed: Earthquake («Землятрус»), які выйшаў у 2005 годзе. Хоць стужку называюць канадскай, у яе вытворчасці ўдзельнічалі кампаніі з Канады, Літвы і Вялікабрытаніі. Метро прапанавала падпісчыкам пазнаць, якая менавіта станцыя трапіла ў кадр, піша Blizko.by.
У фільме сапраўды можна заўважыць адразу некалькі мінскіх станцый. Спачатку галоўная гераіня заходзіць у цягнік на станцыі «Маскоўская». Але ўжо ўнутры вагона па гучнай сувязі абвяшчаюць зусім іншыя станцыі: «Акадэмія навук», далей — «Парк Чалюскінцаў». У рэальным мінскім метро парадак станцый іншы, таму гэта выглядае даволі кур'ёзна.
У вагоне таксама можна заўважыць схемы ліній мінскага метро, а побач — яшчэ адну схему, падобную да маскоўскай падземкі. Калі цягнік ад'язджае, сцэна ўжо пераносіцца на станцыю «Парк Чалюскінцаў», што яшчэ раз пацвярджае, што стваральнікі фільма выкарыстоўвалі розныя здымкі і не клапаціліся пра адпаведнасць рэальнасці.
Паводле сюжэту, падзеі адбываюцца ў выдуманым расійскім горадзе Касурск — нібыта горадзе навукоўцаў-ядравікоў. Пры гэтым горад размешчаны ў сейсмічна небяспечнай зоне, дзе і адбываецца магутны землятрус.
Фільм, дарэчы, атрымаў вельмі нізкія рэйтынгі ад гледачоў: 3,7 з 10 на IMDb і 3,9 з 10 на сайце «Кинопоиск». Таму з’яўленне мінскага метро ў такой стужцы многім падалося хутчэй забаўным, чым ганаровым.
Пра беларускія пратэсты-2020 здымуць маштабную гульнявую драму — расказваем падрабязнасці
У Беларусі хочуць стварыць тэлеканал «Беларусьфільм»
Беларуская актрыса «Спадкаемцаў» Даша Някрасава трапіла ў скандал у ЗША — супраць яе ўжо пішуць петыцыі
Па кнізе беларускі, якая стала бестселерам у нас і ў Расіі, здымуць фільм
Цяпер чытаюць
У Мінску масажыст Андрэй таемна здымаў голых кліентак27
Каментары
п.с.
Беларуская мова і надпісы ў расейскім горадзе з альтэрнатыўнай рэчаіснасьці, калі беларусы не сышлі з Масквы ў 1612 годзе, а русіфікавалі масковію