У польскім горадзе Плонск 16‑гадовы падлетак напаў на двух беларусаў, выкарыстоўваючы газавы балончык. Падчас вобшуку ў яго доме паліцыя знайшла каля 400 грамаў амфетаміну, паведамляе паліцыя Мазавецкага ваяводства.
Здарэнне адбылося ўвечары 10 кастрычніка. Двое беларусаў — 53 і 35 гадоў — размаўлялі на вуліцы па-руску. Да іх падышлі трое падлеткаў і спыталі, хто яны па нацыянальнасці. Даведаўшыся, што перад ім беларусы, адзін з хлопцаў заявіў, што «такіх не любяць», пасля чаго распыліў у іх бок слёзатачывы газ і ўдарыў аднаго з мужчын балончыкам па галаве.
На месца прыбылі паліцыя і хуткая дапамога. Пацярпелага даставілі ў бальніцу. Нападніка хутка знайшлі — ім аказаўся мясцовы 16‑гадовы жыхар. Яго затрымалі і дапыталі. Справу перададуць у суд па справах непаўналетніх. Падлетку выстаўленыя абвінавачанні ў абразе грамадзян Беларусі па нацыянальнай прыкмеце і ў парушэнні іх недатыкальнасці.
Падчас вобшуку ў доме падлетка паліцыя знайшла пакет з белым парашком — амаль 400 грамаў амфетаміну. 46‑гадовы бацька хлопца спачатку сцвярджаў, што не ведае, што гэта, але пазней прызнаўся, што наркотыкі належаць яму. Мужчыну арыштавалі, а дзяцей перадалі пад апеку сваякоў.
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу7
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары